„სახალხო პარტიის“ ზუგდიდის გამგებლობის კანდიდატი ვახუშტი ფარცვანია, „ქართული ოცნებისა“ და „ნაციონალური მოძრაობის“ თვითმმართველობის არჩევნებში მონაწილე კანდიდატებს , ტელეკომპანია „ოდიშის“ არხზე  დებატებში მონაწილეობის მისაღებად იწვევს. „კვლავ კატეგორიულად მოვითხოვთ, რომ „ნაციონალური მოძრაობისა“ და „ქართული ოცნების“  ზუგდიდის რაიონის გამგებლობის კანდიდატებთან  შედგეს ღია დებატები „ოდიშის“ არხზე“, რათა საბოლოოდ ყველა გაშიშვლდეს და ყველას უუნორობა გამოჩნდეს“, -  განაცხადა ფარცვანიამ დღეს გამართულ ბრიფინგზე. ტელეკომპანია „ოდიშში“ აცხადებენ, რომ ისინი მზად არიან, ფორმატის შესაბამისად, ნებისმიერი პარტიის კანდიდატებს დაუთმონ ღია ეთერი. ვახუშტი ფარცვანიას გამოწვევა „ნაციონალური მოძრაობის“ წარმომადგენლებმა მიიღეს და განაცხადეს ,რომ ისინი  მზად არიან დებატებისთვის. მმართველი პარტიის საარჩევნო შტაბში კი  თქვეს, რომ ტელეკომპანია „ოდიშის“ არხზე გამართულ დებატებში, მათმა კანდიდატებმა მონაწილეობა ერთხელ უკვე მიიღეს და ხელმეორედ ამის გაკეთების სურვილი არ გააჩნიათ. ზემოაღნიშნულ თემაზე საგანგებო ბრიფინგი ვახუშტი ფარცვანიამ 28 მაისს გამართა.