„ქართული ოცნების“ ზუგდიდის საარჩევნო შტაბში ანაკლიის #37 საარჩევნო უბანში კენჭისყრის ჩაშლათან დაკავშირებით, საგანგებო ბრიფინგი გაიმართა. მაჟორიტარი დეპუტატობის  კანდიდატის მერაბ ქვარაიას განცხადებით, #32 სარჩევნო უბანში არჩევნების ჩაშლა არც ერთი პარტიის ინტერესებს არ უკავშირდება. „მინდა გამოვეხმაურო „ნაციონალური მოძრაობის“ კანდიდატის თენგიზ გუნავას განცხადებას, რომ არჩევნების ჩაშლა როგორღაც „ქართულ ოცნებასთან“ არის დაკავშირებული. ამასთან დაკავსირებით ჩვენ გვინდა განვაცხადოთ, რომ ერთგვარი უზნეობა და ამორალურია, სწორედ გუნავას პოლიციის უფროსობის დროს დაკარგული გოგიტა აბულაძის ოჯახის მხრიდან ჩადენილი ამ საქციელის „მიკერება“ რომელიმე პოლიტიკური სუბიექტისათვის. სრული პასუხისმგებლობით ვაცხადებთ, რომ არჩევნები მშვიდ გარემოსი მიმდინარეობს და „ქართული ოცნების“ მომხრეების მაღალი აქტივობა  შეიმჩნევა. სწორედ ეს იწვევს ჩვენი ოპონენტების შეშფოთებას“, - აცხადებს მერაბ ქვარაია. შეგახსებებთ, რომ  თენგიზ გუნავამ დღეს,ანაკლიაში #32 საარჩევნო უბაზე განვითარებულ მოვლენებთან დაკავშირებით კომენტარი გააკეთა. მისი თქმით: ” პრემიერ- მინისტრმა დაიწყო ამ გაჭირვებული ოჯახების გამოყენება წინასაარჩევნოდ, ეს მიზანმიმართული ქმედება იყო, იცოდნენ, რომ ზუგდიდში, მითუმეტეს ანაკლიაში ჩვენ ძალიან დიდი რეიტინგი გვქონდა.”-აღნიშნა გუნავამ. 2012 წელს გაუჩინარებული გოგიტა აბულაძის ოჯახის წევრებმა ანაკლიაში, #32 საარჩევნო უბანში შეიჭრნენ და კენჭისყრის პროცესი ჩასალეს.