ზუგდიდში #4 საპყრობილესთან გამართულ აქციაზე შეკრებილმა რამდენიმე ასეულმა ადამიანმა პატიმრების წამების ფაქტი გააპროტესტა. აქციას კოალიცია „ქართული ოცნების“ წევრებიც შეურეთდნენ. მაცხოვრის კარის ეკლესიის წინამძღვარმა, მამა გიორგი ჯგუშიამ მედიას განუცდა, რომ სამღვდელოებამ დიდი ხანია იცოდა მსგავსი ფაქტების შესახებ და პატიმრების თხოვნით არ ახმაურებდა.  ეს არის ერის  დაცემა - განაცხადა მან. მომიტინგეებს ირაკლი ალასანიამ მიმართა: “მე ვპირდები საქართველოს ყველა მოქალაქეს, ვერც ერთი მათგანი ვერ გაექცევა სისხლის სამართლებრივ პასუხისმგებლობას.“ ირაკლია ალასანიამ ხალხს ემოციების მართვისკენ მოუწოდა და შეახსენა, რომ მათთვის მთავარი იარაღი არჩევნებია, რითაც ნაციონალური მოძრაობის რეპრესიული რეჟიმი დასრულდება. რადიო “ათინათთან“ ისაუბრა რეჟისორმა რევაზ ჩხეიძემ: “ეს არის საოცარი, არ გაგონილი დანაშაული. პრეზიდენტი გამოვიდა და თქვა, რომ მან ამის შესახებ არაფერი არ იცოდა, ეს იმას ნიშნავს რომ მან იცის ეს რას ნიშნავს და რამხელა დანაშაულია“ განაცხადა მან. „ათეულობით, ასეულობით და უფრო მეტი ადამიანი და ოჯახი შეეწირა ასეთ თავნებობას და აღვირახსნილობას, ჩვენ ვალდებულნი ვართ ამ ყველაფერს წერტილი დავუსვათ“- განაცხადა კოალიცია „ქართული ოცნების“ ზუგდიდის შტაბის ხელმძღვენლმა მერაბ ქვარაიამ. აქციას „ქართული ოცნების“ ჩხოროწყუს შტაბის წევრები და ბლოკ „გიორგი თარგამაძე ქრიტიან–დემოკრატიული გაერთიანების“ მაჟორიტარი დეპუტატობის კანდიდატი ჩხოროწყუში, ბაკურ კვირტია შეუერთდნენ. საპროტესტო აქციის მონაწილეები მშვიდობიანი მსვლელობით პროკურატურის შენობისკენ გაემართნენ.