დღეს, ზუგდიდის დემოკრატიული ჩართულობის ოფისში„საერთაშორისო გამჭვირვალობა ­- საქართველო"-ს  ზუგდიდის ოფისის და ადგილობრივი არასამთავრობო ორგანიზაცია „სამართლებრივი დაცვის ინსტიტუტის“ ორგანიზებით, საკუთრების უფლებებისა და მისი დაცვის პრობლემების შესახებ  დისკუსია გამართა. დისკუსიის ორგანიზატორების თქმით, შეხვედრის მიზანია არასამთავრობო სექტორის, მიდიისა და მოქალაქეების ინფორმირება იმ ორგანიზაციების შესახებ, რომლებიც საკუთრებათან დაკავშირებულ პრობლემებზე მუშაობენ. შეხვედრაზე ითქვა, რომ საკუთრების ხელყოფასთან დაკავშირებით, სამეგრელო ზემო-სვანეთის რეგიონში, კერძოდ მესტიასა და ანაკლიაში, უამრავი ფაქტი არსებობს, რომელზეც სახელმწიფომ სათანადო რეაგირება უნდა მოახდინოს. „სამართლებრივი დაცვის ინსტიტუტის“ იურისტის რუსუდან პაჭკორიას განმარტებით, საკუთრებასთან დაკავშირებული პრობლემების მოგვარების კუთხით,  ქვეყანაში მდგომარეობა არ შეცვლილა და მოქალაქეები ისევ მოლოდინის რეჟიმში არიან. ზუგდიდის მკვიდრმა ინგა არჩაიამ, რომელიც თავს  საკუთრების უფლებდარღვეულ პირად მიიჩნევს, შეხვედრაზე თქვა, რომ დაკანონებული 600კვ/მ მიწის ნაკვეთი, რომელსაც ანაკლიაში ფლობდა, ეკონომიკის სამინსტრომ მიითვისა. მისივე ქმით,  მოგვიანებით აღნიშნული მიწის ნაკვეთი „შპს ლაზიკა პორტის“ საკუთრებაში აღმოჩნდა. „ჩვენ არ ვართ პორტის მშენებლობის წინააღმდეგ. რაც უფრო მეტი მშენებლობა იქნება - ჩვენთვის უკეთესია, თუმცა არა ხალხისთვის წართმეული მიწის ნაკვეთების ხარჯზე. ვითხოვთ სათთანადო კონპენსაციას! “, - თქვა ინგა არჩიამ. „საერთაშორისო გამჭვირვალობა-საქართველოს“ სამეგრელო-ზემო სვანეთის კოორდინატორი არჩილ თოდუა ამბობს, რომ მათი ორგანიზაცია იცავს  დაზარალებული ადამიანების უფლებებს სასამართლოში და ეტაპზეც აქვთ  რამდენიმე მიმდინარე საქმე. „ჩვენი რეკომენდაციაა, სახელმწიფომ დროულად  მიიღოს გადაწყვეტილება და დაზარალებულ ადამიანებს  მისცეს შესაბამისი ანაზღაურება“,-  თქვა არჩილ თოდუამ. შეხვედრას ეწსრებოდნენ,  დაზარალებული მოქალქეები, ადგილობრივი არასამთავრობო ორგანიზაციის, მედიისა და ევრო კავშირის სადამკვირვებლო მისიის წარმომადგენლები.