ორი ქართველი საოპერო მომღერალი - ნინო მაჩაიძე და ნინო სურგულაძე მსოფლიოს ყველაზე ლამაზი საოპერო მომღერლების ათეულში მოხვდა. ნინო მაჩაიძემ რეიტინგში პირველი ადგილი დაიკავა, ნინო სურგულაძემ – მერვე. ამის შესახებ newsgeorgia.ru იუწყება. ათეულში საოპერო მომღერლები არა მარტო სილამაზის, არამედ მათი უდიდესი ტალანტის გამო მოხვდნენ. ათეული ასე გამოიყურება: 1.ნინო მაჩაიძე – განსხვავებული სილამაზითა და ბუნებრივი შარმით დაჯილდოებული. ის მსოფლიოში წამყვან საოპერო სცენებზე ასრულებს ნაწარმოებებს. ნინოს უნიკალური სტილი, შესრულების ტექნიკა და ვოკალური დიაპაზონი აქვს. 2.არმენ ჯანატაზიო – ეს არის იტალიელი სოპრანო, რომელიც თავისი ლამაზი ვოკალური შესრულებით მსოფლიოშია აღიარებული. მას  "საოპერო სცენის დედოფალს უწოდებენ". 3. კრისტინე ოპოლაისი –  ლატვიელი სოპრანო, ის ერთ–ერთი ახალი ვარსკვლავია მსოფლიო საოპერო ჰორიზონტზე. მისი დებიუტი ნიუ–იორკში, „Metropolitan Opera House“ შედგა და რომელმაც თავისი საოცარი შესრულებით არა მხოლოდ დამსწრე საზოგადოება, არამედ ის მილიონობით მაყურებელი გააოცა, რომელიც მის გამოსვლას პირდაპირ ეთერში ადევნებდა თვალს. 4. ოლგა პერეტიატკო – წარმოშობით რუსი, რომელიც XXI საუკუნის ერთ-ერთი ყველაზე გამოჩენილი საოპერო მომღერალია. 5. აილინ პერეზი –  ამერიკელი სოპრანო,რომელიც ყველაზე მიმზიდველ და შარმიან ახალგაზრდა სოპრანოდ ითვლება. 6. ელინა გარანჩა - ლატვიელი მეცო-სოპრანო, რომელმაც მსოფლიოში აღიარება მისი მომხიბვლელი ხმით მოიპოვა.მას საოპერო სცენის "კაშკაშა ვარსკვლავს" ეძახიან. 7. იულია ნოვიკოვა - რუსი სოპრანო. ის არის რამდენიმე საერთაშორისო მუსიკალური კონკურსის გამარჯვებული. კრიტიკოსები აღნიშნავენ, რომ  მას აქვს  ძლიერი და ლამაზი ხმა, რომელსაც შეუძლია დაიპყროს აუდიტორია მთელი მსოფლიოს მასშტაბით. 8. ნინო სურგულაძე - კიდევ ერთი ქართველი მეცო-სოპრანო, რომელიც ათეულში მოხვდა. ის ვარსკვლავი ჯერ კიდევ ბავშვობაში გახდა და პოპულარობას დღემდე  არ კარგავს. მისი კარიერა დაიწყო ფილმში, რომელიც თავის მშობლიურ ქვეყანაში გადაიღეს. მისმა განსაკუთრებულმა ხმამ და ნიჭმა მას არაერთი ჯილდო მოუტანა საოპერო მოღვაწეობაში. 9. სონია იონჩევა - წარმოშობით ბულგარეთიდანაა, "სონიას აქვს უნიკალური და განსაკუთრებული ვოკალური ნიჭი", - წერს გამოცემა. 10. ანა ნეტრებკო - რუსი საოპერო მომღერალი, მსოფლიოში ერთ–ერთი საუკეთესო საოპერო ხმის მფლობელი, რომელსაც აქვს შესანიშნავი ტექნიკა და ვოკალური მონაცემი.