ზუგდიდის ცენტრალურ მოედანზე კოალიცია „ქართული ოცნების“ აქცია გაიმართა. კოალიციის ლიდერი ბიძინა ივანიშვილი მოედანზე, გუნდის წევრებთან, ერთად  ზუსტად 16 საათზე გამოჩნდა და ასეულობით შეკრბილ ადამიანს მიესალმა. „ნოემბერში, როცა ჩვენ პირველი კვლევა ჩავატარეთ, ვნახეთ, რომ სამეგრელოს ვაგებდით. მხოლოდ მე ვთქვი, დაელოდეთ და ნახეთ რას იზამენ მეგრელები-მეთქი. არასოდეს ვყოფილვარ ასეთი ბედნიერი. თბილისის შემდეგ მსგავსი შეკრება არსად ყოფილა" – განუცხადა საზოგადოებას კოალიციის ლიდერმა. „ზუგდიდი და სამეგრელო არის ის ადგილი სადაც სააკაშვილის სისასტიკე ყველაზე მწვავედ იგრძნობა. ქვეყანაში ივანიშვილმა ასევე ყურადღება გაამახვილა ახალაიების კლანის რღვევაზე და აღნიშნა რომ 1 ოქტომნერი იქნება ხელისუფლების პასუხისგების დღე. განვითარებული მოვლენების გამო  საზოგადოება ფეხქვეშ არის გათელილი. ხალხნო უნდა გავაცნობიეროთ, რომ ნაციონალური მოზრაობის ყოველი მომხრე თვითონვე იქნება სასტიკი დანაშაულის მონაწილე და ჯალათი“–აღნიშნა ივანიშვილმა. ამის შემდეგ კოალიციის ლიდერმა შეკრებილ საზოგადოებას სამეგრელოს რეგიონში წარდგენილი მაჟორიტარი დეპუტატობის კანდიდატები კიდევ ერთხელ პირადად გააცნო. აქციის მონაწილეებს ზუგდიდის მაჟორიტარობის კანდიდატმა ირაკლი ალასანიამ მიმართა. „ჩვენ უნდა გავარჩიოთ რა გვინდა და როგორი მომავალი ჩვენთვის და ჩვენი შვილებისთვის. დავტოვებთ საქართველოს წამების და უსამართლობის ნგრევის პირობებში, თუ ავირჩევთ ისეთ პოლიტიკურ კურსს რომელიც საქართველოს წაიყვანს გამთლიანებისკენ. სწორედ სამეგრელოს და ზუგდიდს აქვს ყველაზე დიდი შანსი გააერთიანოს ქვეყანა და გადოს ხიდი ქართულ–აფხაზური ძმობის აღდგენაში“ – აღნიშნა ირაკლი ალასანიამ „ყველამ მივმართოთ ჩვენი გონება და ხმა მივცეთ ორმოცდაერთს.“ ამ სიტყვებით ხალხის წინაშე „ქართული ოცნების“ ზუგდიდის შტაბის ხელმძღვანელი მერაბ ქვარაია წარსდგა. აქციაზე შეკრებილი საზოგადოება კმაყოფილი დარჩა ბიძინა ივანიშვილის გამოსვლით. რადიო „ათინათთან“ საუბრისას  მათ აღნიშნეს, რომ კოალიცია „ქართულ ოცნების“  გამარჯვებაზე  დიდ იმედებს ამყარებენ. შეგასენებთ რომ აქციიის შემდეგ 18 საათზე ბერა ივანიშვილის კონცერტი იგეგმებოდა. აქციის დასასრულს ბიძინა ივანიშვილმა საოგადოებას განუცხადა, რომ საქართველოს დღეს მძიმე დღეები უდგას ამიტომ ბერა ზუგდიდიელებისთვის სხვა დროს იმღერებს.