გამომცემლობა “ფორბსმა” ყველაზე მაღალანაზღაურებადი ტელევარსკვლავების სია გამოაქვეყნა. პირველ ადგილზე ეშტონ კატჩერია, რომელმაც ეს ტიტული ტელეშოუ “ორნახევარი კაცით” დაიმსახურა. მსახიობის შემოსავალი წელიწადში 26 მილიონ დოლარს აღწევს. თუმცა, ეს მაჩვენებელი შეიძლება სულ მალე შემცირდეს, ვინაიდან CBS-ის შოუს მეტი სეზონი აღარ ექნება. ეშტონი კი უკვე სამი წელია, ჩამონათვალში სწორედ ამ კონკრეტული გადაცემის გამო ლიდერობს. იმავე ტელენამუშევარს უნდა უმადლოდეს ჯონ ქრაიერიც, რომელიც 19 მილიონი დოლარით “ფორბსის” სიის მეორე ადგილზე მოხვდა. მესამე პოზიცია კი NCIS-ის ვარსკვლავმა, მარკ ჰარმონმა დაიკავა, რომელსაც, ასევე, წელიწადში 19 მილიონ დოლარამდე აქვს შემოსავალი. “ფორბსის” მიერ გამოქვეყნებული სრული სია ასე გამოიყურება: 1. ეშტონ კატჩერი (26 მილიონი) 2. ჯონ ქრაიერი (19 მილიონი) 3. მარკ ჰარმონი (19 მილიონი) 4. ნეილ პატრიკ ჰარისი (18 მილიონი) 5. კევინ სპეისი (16 მილიონი) 6. პატრიკ დემპსი (16 მილიონი) 7. ტიმ ალენი (15 მილიონი) 8. საიმონ ბეიკერი (13 მილიონი) 9. ჯიმ პარსონსი (12 მილიონი) 10. ჯონი გალეცკი (11 მილიონი)