სამოქალაქო მოძრაობის „სამეგრელოს ხმა“ ლიდერის თენგიზ ჯგუშიას ბრალდების საქმეზე, დაზარალებულად მიჩნეული , ზუგდიდის საკრებულოს თავმჯდომარე მერაბ ქვარია სასამართლო პროცესზე არ გამოცხადდა.  პროკურორმა ფელიქს ჯალაღონიამ პროცესზე ქვარაიას არგამოცხადების მიზეზად მოუცლელობა დაასახელა. მოსამართლე დავით გელაშვილმა პროცესი 12 სექტემბერს დანიშნა, თუმცა სხდომაზე პროკურორმა განაცხადა, რომ საკრებულოს თავმჯდომარე პროცესზე ხვალაც ვერ გამოცხადდება, რადგან ის  12 სექტემებრს  თბილისში მივლინებით მიემგზავრება. „გუშინ, საზოგადოებრივი ინტერესისთვის  თავის არიდების გამო, ტენდენციურმა პროკურორმა მერაბ ქვარაია სასამართლო პროცესზე მესიჯებით გამოიძახა  და წამებში მოვიდა, ისე რომ გაფრთხილებულები არ ვიყავთ. დღეს კი ქვარაიამ საკრებულოს სხდომა მოიმიზეზა და არ გამოცხადდა. დასკვნები საზოგადოებისთვის მიმინდვია“, - აცხადებს თენგიზ ჯგუშია. შეგახსენებთ, რომ გუშინ, 11 სექტემბერს “სამეგრელოს ხმის“ ლიდერის თენგიზ ჯგუშიას ბრალდების  საქმეზე ორი მოწმის დაიკითხვის შემდეგ,  სასამართლო პროცესზე , დაცვისმხარისთვის მოულოდნელად, პროკურორმა დასაკითხად,  დაზარალებულად მიჩნეული, ზუგდიდის  საკრებულოს თავმჯდომარე მერაბ ქვარაია გამოიძახა, რასაც თენგიზჯგუშიას და მისი ადვოკატის მხრიდან პროტესტი მოჰყვა. მოსამართლე დავით გელაშვილმა პროცესი 12 სექტემბრისთვის ჩანიშნა.