ბრიტანული როკ–ჯგუფი Rolling Stones ლონდონსა და ნიუარკში, ნოემბერ–დეკემბერში 4 გრანდიოზულ კონცერტს გამართავს. ამის შესახებ მუსიკოსების ვებ–გვერდი იტყობინება. წელს “როლინგებს” 50 წელი უსრულდებათ. 25  და 29 ნოემბერს, ბრიტანეთის დედაქალაქში ათასობით თაყვანისმცემელი დაესწერბა Rolling Stones–ის გამოსვლებს. შემდეგ მუსიკოსები გადაკვეთენ ატლანტის ოკეანეს და ნიუარკში, ნიუ–იორკის მახლობლად, ამერიკელი მაყურებლის წინაშე წარსდგებიან სპორტულ კომპლექს Prudential Center –ში.  მათ, ვინც უშუალოდ ვერ მოუსმენს მიკ ჯაგერს, კიტ რიჩარდს, რონი ვუდს და ჩარლი უოტსს, The Rolling Stones –ის ახალი ალბომი გახარებთ, სახელწოდებით Grrr!., რომელიც 12 ნოემბერს გამოვა.