ხომალდი სახელწოდებით "ვენერა", რომლის პროექტზეც Apple–ის შემქმნელი სიცოცხლის ბოლო დღეებამდე მუშაობდა, ნიდერლანდებში წყალში ჩაუშვეს. ხომალდი "ვენერა" პირველად საზოგადოებას ქალაქ ამსლერში, სტივ ჯობსის სიკვდილიდან ერთ წელიწადში წარუდგინეს. 80-მეტრიანი ხომალდი, რომლის დიზაინზე ცნობილი ფრანგი დიზაინერი ფილიპ სტარკი მუშაობდა, წყალში ციფრული ეპოქის გენიოსის ოჯახის წევრების თანდასწრებით ჩაუშვეს. „ვენერას“ კორპუსი მთლიანად ალუმინისგანაა შექმნილი, რაც საოცრად მსუბუქსა და მანევრულს ხდის იახტას. ასევე ჯობსების ოჯახური ხომალდი გამოირჩევა იმით, რომ მის გემბანზე დიდი დასასვენებელი ზონაა ჯაკუზით. აღსანიშნავა, რომ იახტა შვიდი 27 დიუიმიანი iMac კომპიუტერით იმართება. საკუთარი იახტის შექმნის იდეა სტივ ჯობს ჯერ კიდევ ავადმყოფობამდე მოუვიდა თავში. „ვენერას“ დიზაინის გეგმის შემუშავებას 6 წელი დასჭირდა. „ ჯობსი არ იყო დარწმუნებული, რომ თავისი ძალისხმევის შედეგს იხილავდა“ , –  იხსენებს  ჯობსის ბიოგრაფი უოლტერ აიზაქსონი:  „ - მე ვიცი, რომ შესაძლოა მოვკვდე და დავტოვო ლორენი  (სტივ ჯობსის მეუღლე) დაუმთავრებელი ნავით. მაგრამ მე უნდა გავაგრძელო, სხვა შემთხვევაში, ეს სიკვდილთან დამარცხებას ნიშნავს“,  - აბობდა  Apple–ის გენერალური დირექტორი.