მარტვილში გამგებლისა და საკრებულოს თავმჯდომარის გადადგომის მოთხოვნით რამდენიმე დღის უკან დაწყებული აქცია დღემდე გრძელდება. აქციის მონაწილეებს უვე სამი დღეა პიკეტირებული აქვთ მერიის შენობა. თავად მარტვილის გამგებელი მამუკა დანელია ვითარებაში გასარკვევად თბილისში გაემგზავრა. როგორც აქციის მონაწილეები მედიასთან საუბარში აღიშნავენ აქციას მანამ არ შეწყვეტენ, სანამ მათი მოთხოვნები არ დაკმაყოფილდება. მარტვილის საკრებულოს თავმჯომარემ ზაალ გოროზიამ ადგილობრივი პოლიციის სამმართველოს განცახდებით მიმართა და სამართალდამცავებს ვითარების გაკონტროლებისკენ მოუწოდა. 27 ნოემბერს აქციის მონაწილეებს მხარდამჭერები ზუგდიდიდანაც შეუერთდნენ. ერთ-ერთმა მათგანმა, “ქართული ოცნების” მხარდამჭერმა ლალი ანთიამ რადიო “ათინათთან” საუბარში განაცხადა, რომ მარტვილში აქციის მონაწილეების მხარდასაჭერად დღეს უფრო მეტი ადამიანი წავა. მან ასევე აღნიშნა, რომ იგივე მოთხოვნით აქციები სამეგრელოს სხვა მუნიციპალიტეტებშიც დაიწყება. შეგახსენებთ, რომ ლალი ანთია 2 დღის წინ ზუგდიდის სამხარეო ადმინისტარციის შენობასთან გუბერნატორის გადადგომის მოთხოვნით იყო მისული. ლალი ანთია ზუგდიდის მუნიციპალიტეტის სოფელ ოდიშის ყოფილი გამგებელი და ყოფილი პატიმარია. მან ქალთა კოლონიაში 4 წელი და 7 თვე გაატარა.