„მე ვაბრუნებ ჩემს ფრანგულ პასპორტს და უარს ვამბობ სოციალურ დაზღვევაზე, რომლითაც არც ერთხელ არ მისარგებლია”, – ჟერარ დეპარდიემ თავის ღია წერილში ამ სიტყვებით ჟან-მარკ ეროს მიმართა. კინოვარსკვლავის გულისწყრომა პრემიერ-მინისტრის გამონათქვამმა გამოიწვია, რომელიც დეპარდიეს ბელგიაში მუდმივად საცხოვრებლად გადასვლას ეხებოდა. სახელგანთქმულმა მსახიობმა განაცხადა, რომ “არც ერთი ფრანგისთვის,რომელიც ქვეყნიდან წავიდა, ასეთი შეურაცხყოფა ჯერ არავის მიუყენებია”. ჟან-მარკ ერომ დეპარდიეს გადაწყვეტილებას “საკმაოდ უსუსური” და “სიძულვილის ღირსი” უწოდა. ფრანგები არაერთგვაროვნად აფასებენ ამ ფაქტს. საფრანგეთის საზღვართან მდებარე ბელგიურ ნიშენში, სადაც მსახიობი აპირებს გადასახლებას, ყოველი მესამე მცხოვრები-მდიდარი ფრანგია. მმართველი სოციალისტები მსახიობს ბრალს იმაში სდებენ , რომ ის მაღალი გადასახადებისთვის თავის ასარიდებლად მიდის ქვეყნიდან (ახალი წლიდან, საფრანგეთში გამომუშავებული პირველი მილიონი 45%-იანი გადასახადით დაიბეგრება, ხოლო, ყველაფერი, რაც მილიონს გადააჭარბებს – 75%-ით ). თავად მსახიობი ამბობს, რომ ის 14 წლიდან მუშაობს, გადასახადებისგან თავი არასოდეს აურიდებია და საკუთარ სახელმწიფოს უკვე145 მილიონი ევრო გადაუხადა.