ანჯელინა ჯოლისა და ბრედ პიტს შვილად ორი წლის სირიელი მოუსა აჰყავთ. ერთთვიანი გასაიდუმლოებული მოლაპარაკებების შემდეგ, წყვილი, რომელსაც უკვე სამი აყვანილი და სამი ღვიძლი შვილი ჰყავს, მზადაა თავის მზარდ ოჯახში პატარა მოუსას მიესალმოს. ანჯელინასა და „წარმტაცი“ მოუსას პირველი შეხვედრა წლის დასაწყისში, ჯოლის, როგორც გაეროს კეთილი ნების ელჩის, მიერ ლტოლვილთა და იძულებით გადაადგილებულ პირთა თავშესაფრის მონახულებისას შედგა. „ანჯელინამ თარჯიმნის მეშვეობით გაიგო მის შესახებ და აშკარად გულდაწყვეტილი იყო, მაგრამ მოუსა გაბადრული შეხვდა, ხოლო როცა ჯოლის თვალებზე ცრემლები დაინახა, მსახიობამდე მიხოხდა და ჩაეხუტა მას. ეს ძალიან ემოციური მომენტი იყო და ყველა უცებ გამხიარულდა“, – განაცხადა საქველმოქმედო მუშაკმა. „ენჯიმ მას შუბლზე აკოცა და ამის შემდეგ, ისინი ამ ვიზიტის ბოლომდე ფაქტიურად განუყრელნი იყვნენ“. ჯოლიმ გაარკვია, რომ ბავშვი ობოლი იყო და მალევე შვილად აყვანის პროცედურებიც დაიწყო.