ფილმ „გრეის ორმოცდაათი ელფერის“ მთავარი როლის შემსრულებელმა ჯეიმი დორნანმა უარყო პრესაში გავრცელებული ინფორმაცია იმის შესახებ თითქოს მან ცოლის წინააღმდეგობის გამო ფილმის სიქველში გადაღებაზე უარი თქვა. ამის შესახებ ინგლისური გამოცემა Express-ი წერს.
მსახიობის წარმომადგენელმა პრესაში გავრცელებულ ინფორმაციას ჭორი უწოდა, რადგან Universal Pictures-ს ფილმის გაგრძელების გადაღება ოფიციალურად ჯერ არ დაუდასტურებია.
მანამდე ავტსრალიურმა ჟურნალმა NW-მა თავის წყაროზე დაყრდნობით გამოაქვეყნა ინფორმაცია, რომ დორნანი „გრეის ორმოცდაათი ელფერის“ სიქველში გადაღებაზე უარს ამბობს, რადგან მისი ცოლი, ამელია, ამისი წინააღმდეგია.
„ჯეიმიმ განაცხადა, რიმ ფილმი მას კარიერულ წინსვლაში დაეხმარა. ის ცდილობდა ამელიასთვის აეხსნა, რომ მათ ქორწინებას საფრთხე არ ემუქრება, მაგრამ მთელი მსოფლიოს ქალები მასზე ჭკუას კარგავენ. ჯეიმის ცოლს ფილმი ჯერ არ უნახავს და მგონია, რომ არც ნახავს“, - განუცხადა წყარომ ჟურნალს.
მანამდე ფილმის რეჟისორმა სემ ტეილორ-ჯონსონმა დაადასტურა სიქველზე მუშაობის ფაქტი, მაგრამ მისი თქმით, ფილმზე მუშაობა წიგნის ავტორთან უთანხმოების გამო ფერხდება.
უმეტესობა ჩვენგანი სახლში ყოფნისას დღის უმეტეს ნაწილს მისაღებ ოთახში ატარებს.
მასალის გამოყენების პირობები