ადგილობრივი თვითმმართველობის მონიტორინგის საინიციატივო ჯგუფმა, ზუგდიდის მუნიციპალიტეტის ადგილობრივი თვითმმართველობის ორგანოთა საქმიანობის მონიტორინგის პირველი შუალედური ანგარიში წარადგინა. ანგარიში მოყვანილია თვითმმართველობებში მიმდინარე ცვლილებები და მათი სამართლებლივი ნორმები. 2013 წელის  3 იანვარს გამგებლის მოვალეობის შემსრულებლის მიერ მის მოადგილედ მერაბ ქვარაიას დანიშვნით დაირღვა სამართლებრივი აქტი. ვინაიდან მერაბ ქვარაია სამსახურეობრივი უფლებამოსილების გადამეტების და სახელმწიფო თანხების მითვისებება–გაფლანგვის ბრალდებით  2005 წელს იქნა  ექვსი წლითა და და ექვსი თვით დაკავებული. ამასთან, მას სასამართლომ ორი წლის ვადით საქმინობის უფლება ჩამოართვა და ამავე ვადით აეკრძალა საჯარო სექტორში თანამდებობის დაკავება.  თუმცა ქვარაიამ დანიშვნიდან რამდენიმე დღეში განცხადება გადადგომის თაობაზე დაწერა, რის საფუძველზეც ის დაკავებული თანამდებობიდან გათავისუფლდა. აღნიშნულ საკითხზე მონიტორინგის საინიციატივო ჯგუფმა რეკომენდაციები მოამზადა სადაც ნათქვამია, რომ „საჯარო თანამდებობაზე პირის მიღებისას სხვა დანარჩენ დოკუმენტებთან ერთად მოთხოვნილ უნდა იქნას ცნობა, „საჯარო სამსახურის საქართველოს კანონის მე–17 მუხლის  „დ“ ქვე პუნქტით გათვალისწინებული გარემოებების არ არსებობის შესახებ“. მონიტორინგის ჯგუფმა საკონკურსო–საატესტაციო კომისიის შექმნის აუცილებლობაზე და მის სამართლებლივ მხარეზე ისაუბრეს. მათი თქმით ზუგდიდის მუნიციპალიტეტის საკრებულომ დროულად უნდა მიიღოს დებულება და მის საფუძველზე ჩამოაყალიბოს „ზუგდიდის მუნიციპალიტეტის ადგილობრივი თვითმმართველობის მოხელეთა საკონკურსო საატესტაციო კომისია.  რაც უზრუნველყოფს თვითმმართველობის ორგანოებში საჯარი მოხელეთა შერჩევისას კანონმდებლობის მოთხოვნათა გათვალისწინებას. მონიტორინგის ჯგუფის ერთერთმა წარმომადგენელმა დათო ლოგუამ 2013 წლის ბიუჯეტის პრიორიტეტებზე ისაუბრა. ლოგუამ აღნიშნა რომ ადგილობრივი ბიუჯეტის პრიორიტეტები არ მოდის შესაბამისობაში ქვეყნის ბიუჯეტში გათვალიწინებულ პრიორიტეტბთან. ქვეყნის ბიუჯეტში 2013–2016 წლის პრიორიტეტებია სოფლის მეურნეობის განვითარება, მცირე და საშუალო ბიზნესის განითარება, გარემოს დაცვა და ბუნებრივი რესურსები გამოყენება, კონფლიქტების მოგვარება, განათლება და მეცნიერება. საინიციატივო ჯგუფის რეკომენდაციით იგივე უნდა იქნას გათვალისწინებული მუნიციპალიტეტის 2013 წლის ბიუჯეტში. საინიციატოვო ჯგუფი  ადგილობრივ თვითმმართველობაზე გაცემული რეკომენდაციების შესრულებას   მონიტორინგს გაუწევს და უახლოეს მომავალში აუდიტორიას, ახალ გეგმას წარუდგენს.