„ქართული ოცნების“ სარჩევნო შტაბის ყოფილი კოორდინატორები და დამკვირვებლები კუთვნილი ხელფასების გაცემას ამ დრომდე ელოდებიან. რამდენიმე კოორდინატორმა გამაფრთხილებელი აქცია, 25 იანვარს გამართა. ერთ-ერთი კოორდინატორის მანანა გულორდავას განცხადებით მათ პროტესტს არანაირი რეაგირება არ მოჰყოლია. „ამ თვეში 25 იანვრამდე უნდა ყოფილიყო ხელფასები. ამ ეტაპზე რაც ითქვა და გაჟღერდა მაგის გარდა ახალი ანალოგიური ვითარებაა წალენჯიხის რაიონშიც. როგორც რადიო „ათინათს“ წყარომ განუცხადა ხელფასები კოორდინატორებსა და დამკვირვებლებზე არც აქ გაცემულა.ინფორმაცია არ გვაქვს“, - აღნიშნა მანანა გულორდავამ. როგორც კოალიცია „ქართული“ ოცნების წალენჯიხის შტაბის ყოფილმა პრესსამსახურმა ბერდია კალანდიამ ჩვენთან საუბარში განაცხადა კოორდინატორებზე კუთვნილი თანხების ნაწილი გაცემულია. შეგახსენებთ რომ ზუგდიდში, 25 იანვარს გამართული აქციის მონაწილეების ინფორმაციით უხელფასოდ 1300-მდე ადამიანია დარჩენილი. როგორც აქციის მონაწილეები მედიასთან საუბარში აცხადებენ მათი მიზანია პრობლემა პრემიერ-მინისტრამდე მივიდეს და მოთხოვნა დაკმაყოფილდეს. წინააღმდეგ შემთხვევაში ისინი ფართომასშტაბიანი საპროტესტო აქციების გამართვით იმუქრებიან.