ზუგდიდში, ასოციაცია "ათინათში" რეგიონალური განვითარების ქსელმა საჯარო პირებთან, არასამთავრობო ორგანიზაციებთან და მასმედიის წარმომადგენლებთან შეხვედრა გამართა. შეხვედრაზე რეგიონში არსებული პრობლემები განიხილეს და საკითხის, მოგვარების სავარაუდო გზებზე ისაუბრეს. აუდიტორიის მხრიდან პრობლემად დასახელებულ საკითხებს შორის დასაქმება, განათლება, საბავშვო ბაღებში არსებული მდგომარეობა, ჯანდაცვა და ბოლო დროინდელი საჯარო დაწესებულებებში საკადრო ცვლილებები იყო. რადიო „ათინათთან“ საუბარში ჟურნალისტმა ნანა ქობალია აღნიშნა, რომ მსგავსი ტიპის შეხვედრები მნიშვნელოვანია ინფორმაციის გაცვლის მიზნით. ასევე ცნობილი გახდა ყველა სფეროში არსებული პრობლემების თუ დარღვევების შესახებ და სასურველია შეხვედრები ხშირად ჩატარდეს. გამოყენებითი კვლევის კომპანიის წარმომადგენელის, ხათუნა ნაჭყებიას განცხადებით შეხვედრა საინტერესოდ წარიმართა და წამოიჭრა ბევრი პრობლემა. "ჩვენ ექვსი თვის შემდეგ ისევ ჩამოვალთ და შემდეგი ეტაპი იქნება მოსახლეობაში კვლევის ჩატარება, რომ გავიგოთ თუ რითია შეწუხებული მოსახლეობა და რეალურად რა პრობლემები არსებობს რეგიონში".