რადიო „ათინათმა“ „საერთაშორისო გაჭვირვალობის“ ზუგდიდის ბიუროდან ზუგდიდის მუნიციპალიტეტის საკრებულოს თანამშრომლებზე 2012 წელს გაცემული პრემიების შესახებ მოპოვებული ინფორმაცია მიიღო. ზუგდიდის მუნიციპალიტეტის საკრებულოს თავმჯომარეს, ლევან კონჯარიას 6-თვის განმავლობაში პრემიის სახით 14 160 ლარი დაერიცხა. 7 ათას 700 ლარი დაერიცხა გასულ წელს, 7-თვის განმავლობაში საკრებულოს თავმჯომარის მოადგილეს გრიგოლ სხულუხიას. ზუგდიდის მუნიციპალიტეტის საკრებულოს „სოციალური, ჯანდაცვის, კულტურის, განათლებისა და სპორტის საკითხთა კომისიის თავმჯდომარემ რევაზ ხაინდრავამ პრემიის სახით 3 900 ლარი მიიღო. იგივე რაოდენობის პრემია დაერიცხა ეკონომიკის, ინფრასტრუქტურის განვითარებისა და სივრცითი ტერიტორიული დაგეგმარების საკითხთა თავმჯდომარეს დავით სხულუხიას. მუნიციპალიტეტის საკრებულოს აპარატის უფროსის თეიმურაზ ბასილაიას პრემიამ კი 4 ათას 900 ლარი შეადგინა. იურიდიულ საკითხთა განყოფილებაში მომუშავე 3 პირზე, პრემიის სახით გაცემული თანხის რაოდენობა 7 ათას 180 ლარია. 12 ათას 220 ლარი შეადგინა სოციალურ საკითხთა განყოფილებაში მომუშავე 5 პიროვნებაზე გაცემულმა თანხამ.