ჯენიფერ ლოურენსმა განაცხადა, რომ “იქს-ადამიანები: აპოკალიფსი” ბოლო იქნება ამ ფილმის ეპიზოდებიდან, რომელშიც მონაწილეობას მიიღებს. ეს ბოლოა. ბოლო “იქს-ადამიანები”. ამ ფილმის მომდევნო ნაწილებში მე აღარ ვითამაშებ. - განაცხადა მსახიობმა MTV-ისთან ინტერვიუში. შეგახსენებთ, რომ ჯენიფერი სურათში სექსუალურ ლურჯ მუტანტ მისტიკს განასახიერებს. “აპოკალიფსში” მისი პერსონაჟის დანიშნულება კიდევ უფრო მნიშვნელოვანი ხდება და, სცენარისტ საიმონ კინბერგის თქმით, რაც წინა ეპიზოდებში არ გამოვლინდა, სწორედ ახალ ნაწილში გახდება ცნობილი. ამაში კი ჯენიფერ ლოურენსის პერსონაჟი გადამწყვეტ როლს შეასრულებს. ბრაიან სინგერის რეჟისორობით გადაღებულ ახალ ფილმში ჯეიმს მაკევოი, მაიკლ ფასბენდერი, მიქოლას ჰულტი, როუზ ბირნი, ოსკარ ისააკი და კოდი სმიტ-მაკფიც მონაწილეობენ. რაც შეეხება იან მაქკელენსა და პატრიკ სტიუარტს, ისინი “აპოკალიფსში” აღარ გამოჩნდებიან.