აბაშის რაიონში, პარტიული თავმჯდომარეობის კანდიდატის გიორგი გვილავას დანიშვნას კვლავ აპროტესტებენ. პარტიის წევრებს შორის დაპირისპირება უკვე რამდენიმე კვირაა გრძელდება. აბაშაში, „ქართული ოცნების“ წევრებს რაიონული ორგანიზაციის თავმჯდომარედ დავით კინწურაშვლის დანიშვნა სურთ. აქციის მონაწილეების განცხადებით გვილავა "თვითმარქვიაა". მათივე თქმით თუ საკუთარი კანდიდატის დანიშვნა ვერ მოახერხეს, აქციის მონაწილეები საქართველოს მოქალაქეობაზე უარის თქმას აპირებენ. პარტიის წევრები დავით კინწურაშვილის დანიშვნას ლეგიტიმური ყრილობის ჩატარების საფუძველზე ითხოვენ. აღნიშნულ საკითხთან დაკავშირებით რადიო „ათინათი“ „ქართული ოცნების“ აბაშის ორგანიზაციის წარმომადგენელს, ირაკლი ჩხეიძეს დაუკავშირდა, მისი განცხადებით საპარლამენტო უმრავლესობის წევრმა დავით საგანელიძემ აბაშასთან ერთად, რამდენიმე ათეული რაიონის მცხოვრებლები  მოღალატეებად მოიხსენია, რამაც ხალხში აგრესია გამოიწვია. ირაკლი ჩხეიძემ რადიო „ათინათთან“ საუბარში აღნიშნა, რომ საზოგადოება საგნელიძისგან   საჯაროდ ბოდიშის მოხდას მოითხოვს, წინააღმდეგ შემთხვევაში ისინი აქციებს გააგრძელებენ.