ამის შესახებ ინფორმაციას რადიო "ათინათს" წალენჯიხის რაიონის სოფელ ფახულანის კერძოდ, წყოუშის საბაზო სკოლის დირექტორი, ვახტანგ გოგოხია აწვდის. მისი თქმით რამდენიმე დღის წინ, მესაზღვრეებმა ე.წ. საზღვარზე მოსწავლეების გადმოსვლა შეაფერხეს, რადგან მოზარდებს დაბადების და პირადობის მოწმობები მოსთხოვეს. მიზეზად კი სპეციალური საშვების გაცემა დაასახელეს, რის საფუძველზეც ადმინისტრაციულ საზღვარზე მომავალში უპრობლემოდ გადასვლა იქნება შესაძლებელი. რადიო „ათინათი“ საბერიოს მკვიდრს, ვახტანგ სოსელიას დაუკავშირდა. მისი თქმით გამშვები პუნქტის გახსნასთან დაკავშირებით რაიონში ხმები გავრცელდა. ასევე ითქვა, რომ გაიცემა სპეციალური საშვები, რომლითაც ე.წ. საზღვარზე გადასვლას შეძლებენ. ცნობისთვის, ზემოთხსენებულ ე.წ. საზღვარზე გადასვლა დღემდე მხოლოდ მოსწავლეებისთვის და მასწავლებლებისთვის არის შესაძლებელი, ისიც მხოლოდ სამეცადინო დღეებში. დანარჩენი მოქალაქეები ადმინისტრაციულ საზღვარს ზოგჯერ შემოვლითი გზებით და ზოგჯერ მესაზღვრეების არყოფნის დროს გადმოკვეთდნენ.