ამერიკულმა მარსმავალმა „ქიურიოსითი“-მ წითელ პლანეტაზე პირველი ჭაბურღილი გათხარა და მყარი გრუნტის სინჯი აიღო. ამისთვის მას გეილის კრატერის ბრტყელი ფილის გაბურღვა დასჭირდა. შეგროვილი მასალის ანალიზს „ქიურიოსითი“ თავად აწარმოებს: მას საკუთარი ლაბორატორია გააჩნია. კვლევის ერთ-ერთი მთავარი მიზანია, გაარკვიოს იყო თუ არა წარსულში მარსზე სიცოცხლისათვის ხელსაყრელი პირობები. ნასაში თვლიან, რომ აპარატის მარსზე დაშვების მომენტიდან, ეს ყველაზე დიდი მიღწევაა. „ქიურიოსითი“ მარსზე 2012 წლის 6 აგვისტოს, გეილის კრატერის 687 დღის განმავლობაში გამოსკვლევად დაეშვა. აპარატს 75 სანტიმეტრის სიმაღლის წინააღმდეგობის გადალახვა და ადგილზე 360 გრადუსით სრული ბრუნის შესრულება შეუძლია. პროექტი ნასას 2,5 მილიარდი დოლარი დაუჯდა.