იაპონელმა მწარმოებელმა, რომელიც ბოლო მოდელების ტიზერების გავრცელების პრაქტიკას მისდევს, სატელევიზიო ვიდეორგოლი მოამზადა, რომელშიც 5 ახალი მოდელი მონაწილეობს. ვიდეოკლიპის ბოლოს, რომელიც ფართო ეკრანებზე ჯერ არ გამოსულა, Nissan-მა მხოლოდ ერთ მოდელს ახადა საიდუმლოების ფარდა - ესაა სედან Altima-ს ახალი თაობა, რომლის პრემიერაც გასულ კვირაში ნიუ-იორკში გაიმართა. დანარჩენ მოდელებს კომპანია საზოგადოებას უახლოესი 15 თვის განმავლობაში წარუდგენს. გამოცემა Car and Driver-ის შეფასებით, Altima-სთან ერთად „ფილმში“ მონაწილეობენ ასევე ახალი კროსოვერის Pathfinder-ის სასაქონლო ვარიანტი, Tiida-ს მემკვიდრე, Sunny-ს მოდერნიზებული ვერსია და კომპაქტური, „პარკეტის“ Rogue-ის შემცვლელი. სავარაუდოდ, ამ ოთხეულიდან პირველად Pathfinder-ის დებიუტი შედგება, რომლის პროტოტიპიც ავტომოყვარულებმა წლის დასაწყისში, დეტროიტის გამოფენაზე ნახეს. კროსოვერის მახასიათებლებს მწარმოებელი არ ასახელებს, თუმცა აღნიშნავს, რომ ის წინამორბედთან შედარებით 25%-ით ეკონომიურია.