ფრანგულმა მოდის სახლმა გამოაქვეყნა ახალი სარეკლამო კამპანიის კადრები, რომლის გმირი პირველად გახდა აფროამერიკელი ვარსკვლავი - ბარბადოსელი მომღერალი რიანა. ამ კადრებს მსოფლიო დიდხანს ელოდა. რიანას სახელი მსოფლიო პრესის პირველი გვერდებიდან არ ჩამოდის. ცოტა ხნის წინ ვარსკვლავმა საზოგადოება Met Gala-2015-ზე თავისი ჩაცმულობით განაცვიფრა, ახლა კი Christian Dior-ის სარეკლამო კამპანიაში ახალი, მაცდუნებელი ქალის სახით წარსდგა. 27 წლის რირი Secret Garden-ის მოდის ისტორიის მეოთხე ეპიზოდის გმირი გახდა. ისევე როგორც პირველი სამი მინი-ფილმი, ახალი სერიაც ვერსალის სასახლეში გადაიღეს. კამპანიის ავტორი ცნობილი ფოტოგრაფი სტივენ კლიაინია. „რიანა სწრაფად შეეთვისა ვერსალს. მისი ელეგანტურობა პირველივე დანახვისას ჩანს, რიანას შეუძლია გაოცება. ჩვენ მოგვწონს მისი არაპროგნოზირებადი ხასიათი, რომელიც ინდივიდუალურობის ნაწილს წარმოადგენს“, - აღნიშნა ფოტოგრაფმა. Secret Garden-ის ახალი ეპიზოდის პრემიერა 18 მაისს გაიმართება.