1-ლი ოქტომბრის საპარლამენტო არჩევნების შემდეგ რადიო „ათინათმა“ სამეგრელოს მასშტაბით მარტვილის, ხობის, სენაკის, აბაშის, ჩხოროწყუს, წალენჯიხის და სვანეთის მუნიციპალიტეტებში, მიმდინარე ტერიტორიული ორგანოების წარმომადგენლების შეცვლასთან დაკავშირებით მოკვლევა ჩაატრა. ჩხოროწყუს მუნიციპალიტეტში ამ დროისთვის მხოლოდ ოთხ რწმუნებულს აქვს განცხადება დაწერილი, თუმცა მათი მოთხოვნა გათავისუფლდნენ დაკავებული თანამდებობიდან ამ დრომდე არ დაკმაყოფილებულა. ამ გარემოებას მუნიციპალიტეტის გამგებელი დათო გაგუა ასე ხსნის. ნაციონალებისგან განსხვავებით მათ პროფესიონალების მიმართ სხვა მიდგომა აქვვთ და ყველა ადამიანს, ვისაც შეუძლია სასიკეთო საქმის გაკეთება შეუძლია დარჩეს და თავისი საქმაინობა გააგრძელოს. მისივე თქმით რწმუნებულების მოთხოვნის დაკმაყოფილებას ამ ეტაპზე არ აპირებს,- განაცხადა რადიო „ათინათთან“ საუბარში გაგუამ. სოფლის რწმუნებულების რეორგანიზაცია ამ დრომდე არ დაწყებულა წალენჯიხის მუნიციპალიტეტში, როგორც წალენჯიხის მუნიციპალიტეტის გამგებელმა გოგა გულორდავამ, რადიო „ათინათს“ განუცხადა ჯერჯერობით განცხადება სამსახურიდან გათავისუფლების შესახებ გამგეობაში არ შემოსულა, თუმცა ამ საკითხში ცვლილებებს არ გამოვრიცხავთ. აღნიშნა ჩვენთან საუბარში გოგა გულორდავამ. იგივე მდგომარეობაა მარტვილისა და სენაკის მუნიციპალიტეტში. რადიო „ათინათის“ კითხვაზე შეიცვალნენ თუ არა სოფლის რწმუნებულები? მუნიციპალიტეტის გამგებლები აცხადებენ, რომ რწმუნებულებისგან არ შემოსულა განცხადება თანამდებობიდან გათავისუფლების შესახებ და არც ახლო მომავალში იგეგმება ამ კუთხით რეორგანიზაცია. სვანეთის მუნიციპალიტეტის გამგებელმა კაპიტონ ჟორჟოლიანმა კი რადიო „ათინათს“ განუცხადა, რომ ამა წლის სამი იანვრიდან, სვანეთის 16-დან 14 რაიონში ახალი რწმუნებულები დაინიშნენ. ხოლო ორ სოფელში ყოფილი რწმუნებულები მუშაობას, ამ დრომდე განაგრძობენ. ხობის მუნიციპალიტეტის ყველა რწმუნებულმა დაკავებული თანამდებობა პირადი განცხადების საფუძველზე დატოვა. ამის შესახებ ინფორმაცია რადიო „ათინათს“ ხობის გამგებელმა კახაბერ ბენიძემ მიაწოდა. აბაშის მუნიციპალიტეტის გამგებელი ამ დროისთვის რწმუნებულების შეცვლის აუცილებლობას ვერ ხედავს და აღნიშნავს რომ რეორგანიზაცია მხოლოდ გამგეობის ადმინისტრაციაში განხორციელდა. სოფლის რწმუნებულების საკითხს კი საჭიროების შემთხვევაში მომავალში გადახედავენ. განაცხადა გოჩა ჭანტურიამ. შეგახსენებთ რომ ზუგდიდის მუნიციპალიტეტის რამდენიმე სოფლის რწმუნებულმა პირადი განცხადების საფუძველზე დაკავებული თანამდებობა დატოვა. ამის შესახებ ინფორმაცია რადიო “ათინათთან” გამგეობის საზოგადოებასთან და პრესასთან ურთიერთობის სამსახურის უფროსმა, მაია ღურწკაიამ დაადასტურა. ღურწკაია ვერ აკონკრეტებს, თუ რომელი სოფლის რწმუნებულებმა დაწერეს განცხადება თანამდებობიდან გათავისუფლების შესახებ. “ვიცი რომ ერთ-ერთი სოფელ კორცხელის რწმუნებულია”,- აღნიშნა რადიო ”ათინათთან” საუბარში მაია ღურწკაიამ. ვრცლად