ბათუმისა და ქუთაისის კლინიკები C ჰეპატიტის ელიმინაციის პროგრამაში ჩაერთვნენ. ჯანდაცვის სამინისტროს ინფორმაციით, ბენეფიციარებს 15 ივნისიდან შეუძლიათ მიაკითხონ:

ბათუმში: ინფექციური პათოლოგიის შიდსისა და ტუბერკულოზის რეგიონული ცენტრი - მის: ჯ. ქათამაძის N11. ქუთაისში : 1. შპს მულტიპროფილური ჰოსპიტალი „მედიქალ სითი“- მის: ფოთის ქუჩა N40 . 2. შპს.  „ლივერმედი“ - მის: თამარ მეფის ქუჩა N 26 შპს. „ლივერმედი“ კი პაციენტებს უკვე დღეიდან იღებს.  მომავალი კვირიდან ბენეფიციარებს ზუგდიდის კლინიკებიც მიიღებენ.

პროგრამაში ჩასართავად სერვის-ცენტრებში 4500 ადამიანია დარეგისტრირებული. С ჰეპატიტის სამკურნალო მედიკამენტის „სოფოსბუვირის“ 10 000 ფლაკონი აგვისტოს ბოლოს შემოვა. პირველ ეტაპზე ჩასართავი 5000 პაციენტიდან C ჰეპატიტის ელიმინაციის პროგრამაში ცხრაასამდე პაციენტი უკვე ჩაერთო.

პროგრამაში ჩასართავად პრიორიტეტი ენიჭებათ იმ ბენეფიციარებს, რომლებსაც ყველა საჭირო კვლევა ჩატარებული აქვთ და მათი ღვიძლის მდგომარეობა კრიტიკულია.