"ციდან ჩამოვარდნილი საჩუქარი მთავრობისგან" ასე აფასებს რეგიონალური განვითარების პროექტებისთვის გამოყოფილ 15 მილიონ ლარს  ინფრასტრუქტურის განვითარების სამსახურის კომისიის თავმჯდომარე, დავით სხულუხია. მისი განმარტებით შარშანდელთან შედარებით ხუთჯერ გაიზარდა რეგიონალური განვითრების პროექტების დაფინანსება და წლევანდელი მონაცემებით ის 15 მილიონ ლარს შეადგენს. ზუგდიდის მუნიციპალიტეტის გამგეობამ საკრებულოს სხდომაზე რეგიონალური განვითარების პროგრამის ფარგლებში  ადგილობრივი მნიშვნელობის 111 პროექტები წარადგინა და ოთხი ძირითადი პრიორიტეტი, გზების, ხიდების, წყალმომარაგების და ნაპირსამაგრების რეაბილიტაცია-მშენებლობა განსაზღვრა. ასევე განისაზღვა ქალაქის მასშტაბით განსახორციელებული პროექტები. მათ შორისაა, კომბინატის დასახლებაში სტადიონის, გზებისა და ქალაქის ქუჩების რეაბილიტაცია. ყინულის მოედნის მშენებლობა, სათვალთავლო კამერების მოწყობა, მოსწავლე ახალგაზრდობის სასახლის, სახურავების რეაბილიტაცია და ა.შ. ინფრასტრუქტურის განვითარების სამსახურის წარმომადგენელი მედიასთან საუბარში განმარტავს, რომ წარდგენილი პროექტები ფილტრს გაივლიან, თავდაპირველად აღნიშნული პროექტები, რეგიონალური განვითარების სამინისტროს, შემდგომ ფინანსთა სამინისტროს და საბოლოო ჯამში ადგილობრივ მთავრობას გადმოეგზავნება, რის შემდეგაც  დაიწყება მათი განხორციელება. სხულუხიას განმარტებით, გამგეობის მიერ წარდგენილი პროექტის ღირებულება მთლიანობაში 5 მილიონ 200 ათას ლარს შეადგენს. რადიო "ათინათის" კითხვაზე თუ ვინ გაუწევს სამუშაოების შესრულებას კონტროლს? სხულუხიას განცხადებით შეიქმნება სპეციალური კომისია, რომელიც გააკონტროლებს პროექტების ხარისხიანად შესრულების პროცესს.