გაეროს ლტოლვილთა სააგენტოს ზუგდიდის საველე ოფისთან დევნილებმა საპროტესტო აქცია გამართეს.  შონიას ტექნიკუმისა და ყოფილი რაიონული საავადმყოფოს შენობაში მცხოვრები დევნილები აცხადებენ, რომ მათ დახმარებას ე.წ. " შეჭრილის" სტატუსის ქონის გამო არ უწვენ. ისინი აღნიშნავენ რომ ეს აქცია გამაფრთხილებელია და მათი მოთხოვნების დაუკმაყოფილებლობის შემთხვევაში ფართო მასშტაბიანი გამოსვლებს გამართავენ. აფხაზეთიდან დევნილი დარეჯან თაკალანძე მედიასთან  საუბარში აცხადებს, რომ ის გაეროს წარმომადგენლობისგან ინვენტარს და ფულად დახმარებას ითხოვს. მისივე თქმით გაეროს წარმომადგენლობა დახმარებაზე  უარს ეუბნება და  მათ კუთვნილ დახმარებას ყიდიან. მედიკამენტებისთვის საჭირო თანხას ითხოვს ყოფილი რაიონული საავადმყოფოს ტერიტორიაზე მდებარე შენობაში მცხოვრები, 3 შვილის დედა, ნანა შონია. შონიას ტექნიკუმის შენობაში მცხოვრები, პირველი ჯგუფის ინვალიდი ჯემალ გუჩუა ცუდ საყოფაცხოვრებო პირობებზე საუბრობს და აღნიშნავს, რომ გაეროს გააჩნია რესურსი, რომელიც მათი დახმარებისთვის არის საჭირო მაგრამ არ იყენებს. გუჩუა ასევე ითხოვს რომ მათი პრობლემები არათუ ადგიობრივ არამედ ცენტრალურ დონეზე  იქნეს განხილული. გაეროს ლტოლვილთა სააგენტოს ზუგდიდის საველე ოფისიდან დევნილებთან სასაუბროდ არავინ გამოსულა, მათ არც მედიასთნ ისურვეს კომენტარის გაკეთება.