აშშ-ის პრეზიდენტმა ბარაკ ობამამ სოციალური ქსელი Twitter-ის საშუალებით მიიწვია თეთრ სახლში სტუმრად მოზარდი, რომლის სკოლის მასწავლებელმა ის პოლიციას გადასცა, რადგან მისი ხელნაკეთი საათი „ხმაურობდა“. „მაგარი საათია აჰმედ. გინდა საათის თეთრ სახლში მოტანა? ჩვენ მეტი ასეთი ადამიანი უნდა შთავაგონოთ, როგორიც შენ ხარ, რათა მათ მეცნიერება შეუყვარდეთ. სწორედ ეს ხდის ამერიკას დიადს“, - ნათქვამია აშშ-ის პრეზიდენტის ტვიტში. 14 წლის აჰმედ მოჰამედი თავისთან Facebook-ის დამფუძნებელმა მარკ ცუკერბერგმაც მიიწვია, რომელიც ასევე აღფრთოვანდა ახალგაზრდის ნიჭით.