სამეგრელო–ზემო სვანეთის სამხარეო პოლიციის ყოფილი უფროსის მოადგილის, კოხტა კოდუას ნათესავმა მაკა კოდუამ ზუგდიდში პრესკონფერენცია გამართა, სადაც აღნიშნა, რომ 6 აპრილს მის საცხოვრებელ სახლში ჩხრეკა განოხრციელდა. კოდუა აღნიშნავს, რომ მის სახლში ღამის საათებში, რამდენიმე შეიარაღებული პიროვნება შევიდა და სახლის ჩხრეკა დაიწყო. ოპერაციას სამეგრელო-ზემო სვანეთის ზუგდიდის რაიონული სამმართველოს უფროსი კობა ხარებავა და სამეგრელო - ზემო სვანეთის სამხარეო მთავარი სამმართველოს ზუგდიდის რაიონული სამმართველოს უფროსის მოადგილე გია ყალიჩავა ხელმძღვანელობდნენ. მაკა კოდუა აღნიშვანს, რომ სამართალდამცავებმა ვერ წარუდგინეს ვერანაირი დოკუმენტაცია, რომელიც სამართლებრივად გაამყარებდა ოპერაციას. „მათ გვითხრეს რომ ეძებდნენ კოხტა კოდუას და რომ მასზე ძებნა ერთი საათის წინ გამოცხადდა, მათ თან წაიღეს კოხტა კოდუას ფოტოსურათი“,-აცხადებს მაკა კოდუა და დასძენს, რომ სამართალდამცავები განსაკუთრებული აგრესიულობით გამოირჩეოდნენ და აფრთხილებდენ მას რომ ზედმეტი აქტიურობით გამოირჩეოდა რაც მისთვის სასიკეთო შედეგს არ გამოიღებდა. მაკა კოდუა საქართველოს შინაგან საქმეთა სამინისტროსგან ითხოვს ცნობილი გახდეს, თუ ვისი უშუალო დაკვეთით ჩატარდა ოპერაცია, ასევე დააბრუნონ ფოტო სურათი და ბოდიში მოუხადონ ოჯახს. კოდუა უარყოფს გავრცელებულ ინფორმაციას თითქოს ის ჩიორა თაქთაქიშვილს ფეისბუქის საშუალებით 19 აპრილს დაგეგმილ აქციაზე ესაუბრებოდა. „ჩიორა თაქთაქიშვილს სენაკის სამხედრო ბაზიდან გათავსიუფლებული სამხედრო პოლიციელების სია გავუგზავნე, მასთან 19 აპრილის ყრილობასთან დაკავშირებით არ მისაუბრია“,-აღნიშვანს მაკა კოდუა