„ახალგაზრდების ჩართულობა და განვითარება“ - ორწლიანი პროექტი დასრულდა. შემაჯამებელ ღონისძიებაში, რომელიც საზეიმო ვითარებაში გაიმართა, პროექტის პარტნიორი საჯარო სკოლების მოსწავლეებმა, პედაგოგებმა, დირექტორებმა, ადგილობრივი ხელისუფლების და საზოგადოების წარმომადგენლებმა მიიღეს მონაწილეობა. პროექტში ჩართულმა ახალგაზრდებმა წარმატების ისტორიის პრეზენტაცია გამართეს, რომელშიც თავიანთი მიღწევების ამსახველი ვიზუალური მასალა წარმოადგინეს. ღონისძიების ბოლოს თითოეულ სტუმარს შესაძლებლობა ჰქონდა, ორწლიანი მუშაობის შედეგი შეეფასებინა. ასოციაცია „ათინათი“ პროექტს ზუგდიდის მუნიციპალიტეტის 10 საჯარო სკოლაში ორი წელია ახორციელებს. ის 600 მოსწავლეს, 40 მასწავლებელს და 10 დირექტორს აერთიანებდა.პროექტის ფარგლებში40 საქველმოქმედო, სათემო და მოხალისეობრივი აქტივობა, გამწვანებისა და დასუფთავების 10 აქცია, 35 ახალგაზრდული ინიციატივა, 30-მდე ტრენინგი და სხვადასხვა სფეროში წარმატებულ ადამიანებთან და ექსპერტებთანშეხვედრა გაიმართა.მცირე საგრანტო კონკურსის ფარგლებში30 პროექტიდაფინანსდა.მოეწყო ზამთრისა და ზაფხულის ბანაკები, კონფერენციები და სასწავლო ვიზიტები საქართველოს რეგიონებში.მისი მიზანი კონფლიქტით დაზარალებულიახალგაზრდების სოციალური ინტეგრაციის გაზრდა და მათთვის პროფესიული და ზოგადი განვითარების ხელშეწყობაა. პროექტი, „ათინათის“ ორგანიზებით, გაეროს ბავშვთა ფონდის (UNICEF) და ამერიკის შეერთებული შტატების საერთაშორისო განვითარების სააგენტოს (USAID) დაფინანსებით განხორციელდა.