მოსამზადებლად დაგჭირდებათ: 250 გრ. ბატის ღვიძლი, 250 გრ. ქათმის ღვიძლი, 250 გრ. ნაღების კარაქი, 1 ჭ. თეთრი ღვინო, 1 ც. დაფნის ფოთოლი, 1 მტევანი ტკბილი ყურძენი, 200 მლ. ქათმის ბულიონი, 40 გრ. გარჩეული ნიგოზი, ქიშმიშიანი პური, მარილი, პილპილი. მომზადების წესი: ღვიძლი კარგად გავრეცხოთ, მოვაშოროთ აპკი, წვრილად დავჭრათ, მოვაყაროთ მარილი, პილპილი, დაფნის ფოთოლი და შევწვათ 4-5 წუთის განმავლობაში დაბალ ცეცხლზე 40 გრ. ნაღების კარაქთან ერთად. დარჩენილი კარაქი დავკეპოთ და გავაჩეროთ ოთახის ტემპერატურაზე. მომზადებული ღვიძლი გავატაროთ საცერში და მოვათავსოთ თასში, დავუმატოთ დარბილებული კარაქი, ღვინო, კარგად ავურიოთ და შევინახოთ მაცივარში 6 საათის განმავლობაში. ტაფაზე გავადნოთ 50 გრ. კარაქი, დავდოთ ზედ ყურძენი, დავუმატოთ ბულიონი, მარილი, პილპილი და ვადუღოთ რამდენიმე წუთი ძლიერ ცეცხლზე. ცალკე შევწვათ პურის ნაჭრები. სუფრაზე მიტანის წინ, პურის თითო ნაჭერზე დავდოთ თითო კოვზი პაშტეტი, მოვაყაროთ წვრილად დაჭრილი ნიგოზი თბილი ყურძნის სოუსით.