ჟურნალისტთა ქსელი გენდერული თანასწორობისათვის  ორგანიზებით, ზუგდიდის დემოკრატიული ჩართულობის ცენტრში შეხვედრა გაიმართა.შეხვედრაზე ორ აქტუალურ თემაზე - გენდერულ თანასწორობაზე და შეზღუდული შესაძლებლობების მქონე პირების უფლებებზე ისაუბრეს. არასამთავრობო სექტორის წარმომადგენლებმა  ამ მიმართულებებით სხვადასხვა ინიციატივა წამოაყენეს.მედიასაშუალებებს და ადგილობრივ მთავრობას კი ამ პრობლემებით უფრო მეტი დაინტერესებისკენ მოუწოდეს. ზუგდიდის მედიაცენტრის ხელმძღვანელის ლევან სულაშვილის თქმით, მნიშვნელოვანია ამ კუთხით მუშაობა, შეზღუდული შესაძლებლობების პირების დახმარება.მათი ინტეგრაცია საზოგადოებაში, ასევე გენდერული თავლსაზრისით ქალების უფლებების დაცვა.მისივე თქმით, შეხვედრაზე წამოყენებული ინიციატივები და რეკომენდაციები აუცილებლად მივა კომპეტენტურ პირებამდე. შეხვედრას ადგილობრივი ხელისუფლების წარმომადგენლებიც დაესწრნენ. „ყველა ინიციატივა და ახალი პროექტი, რომელიც უკვე დაწყებულია ამ მიმართულებებით, იქნება უფრო პროდუქტიული, უფრო შედეგის მომტანი და ორიენტირებული ქალაქის სოციალური თუ ეკონომიკური მდგომარეობის გაუმჯობესებაზე.“-განაცხადა ქალაქის საკრებულოს თავმჯომარემ მერაბ ქვარაიამ.