ქალაქ ზუგდიდის ცენტრალურ ბიბლიოთეკაში საჯარო ლექცია - „ქალაქი და ხელოვნება“ - გაიმართა. შეხვედრა საზოგადოებრივი ორგანიზაციის „საუნჯე“ მიერ იყო ორგანიზებული და მას მოსწავლეები და სტუდენტები დაესწრნენ. ახალგაზრდებთან კულტურაზე და ხელოვნებაზე  ფილოლოგებმა ხათუნა დარასელიამ და მაია კალანდიამ ისაუბრეს. "თემის გარდა ასევე ვიმსჯელეთ თუ რა უნდა კეთდებოდეს ჩვენ ქალაქში კულტურული ცხოვრების განვითარებისთვის", - თქვა "საუნჯეს" ხელმძღვანელმა იაგო ფასანძემ. შეხვედრა პროექტის „საჯარო სივრცე ახალგაზრდებისთვის“ ფარგლებში, ფონდი „ღია საზოგადოება – საქართველოს“ მხარდაჭერით შედგა.