ხობში დღეს ,,ერთიანი ნაციონალური მოძრაობის" ოფისი წითლად შეღებეს, მინები ჩაამტვრიეს, კედლებზე უცენზურო წარწერები დატოვეს და შენობის ფასადზე გამოფენილ საქართველოს სახელმწიფო დროშას საღებავი შეასხეს. „რკინის კარები იყო და საბედნიეროდ შიგნით ვერ შეაღწიეს. ჩვენ აქედან პირველ საათზე წავედით და არაფერი ხდებოდა, როგორც ჩანს გამთენისას არის გაკეთებული. შეურაცხყვეს დროშაც.  ამით არა მარტო „ნაციონალურ მოძრაობას“, არამედ მთლიანად საქართველოს საზოგადოებრიობას  მიაყენეს შეურაცხყოფა,“  - თქვა ხობის ორგანიზაციის თავმჯდომარე  მამუკა ჭოხონელიძემ. ნაციონალური მოძრაობის" ოფისები წითლად რამდენიმე ქალაქში შეღებეს, მათ შორის, ზუგდიდში, ფოთში, რუსთავში, ლანჩხუთში, ოზურგეთში, ბათუმში, გორში.