საქართველოს მთავრობის ცენტრალიზებული მმართველობის სისტემის დეცენტრალიზაციისა და ადგილობრივი თვითმმართველობების პრინციპების ახალი ვარიანტის პრეზენტაცია დღეს დემოკრატიული ჩართულობის ცენტრში  გაიმართა. რადიო „ათინათთან“ საუბარში სამოქალო სექტორის „სამშობლოს მაძიებლების“ წარმომადგენელმა ვახუშტი ფარცვანიამ აღნიშნა, რომ სამეგრელოს მხარის სამოქალაქო სექტორის წარმომადგენლები ზუგდიდისთვის თვითმმართველი ქალაქის სტატუსის მინიჭებასთან დაკავშირებით თხოვნით მიმართავენ რეგიონალური განვითარებისა და ინფრასტრუქტურის სამინისტროს შესაბამის კომიტეტებს, რომ საზოგადოების ფართო ფენებთან მოხდეს თვითმმართველობის განვითარების  სტრატეგიის ძირითადი  პრინციპების განხილვა. როგორც ვახუშტი ფარცვანია აღნიშნავს, ზუგდიდს უნდა მიენიჭოს ქალაქის სტატუსი, მაგრამ არა იმ პრინციპით, რომ ქალაქი გახდეს ცალკე თვითმმართველი ერთეული, რაც 6 ან 7 თვითმმართველი მუნიციპალური ერთეულის წარმოშობას გამოიწვევს, ეს კი საზოგადოებისთვის ყოვლად მიუღებელია. თვითმართველი ქალაქის სტატუსთან დაკავშირებით საზოგადოებაში აზრთა სხვადასხვაობაა. აღნიშნული საკითხის განხილვამ აუდიტორიაში ხმაური გამოიწვია. როგორც სამეგრელოს ხმის დამფუძნებელმა თენგიზ ჯგუშიამ ჯურნალისტებთან საუბარში აღნიშნა, მთავრობა შემოვიდა ინიციატივით, რომ ზუგდიდი გახდეს თვითმმართვლი ქალაქი, მაგრამ ჯგუშიასთვის გაუგებარია თუ რატომ ხდება საინიციატივო ჯგუფის მიერ  ხელმოწერების შეგროვება, მისივე თქმით განხილვა უნდა ხდებოდეს საგნობრივად და არა ერთი  რომელიმე პოლოტიკური ჯგუფის პიარისთვის. აქვე ჯგუშიამ მერაბ ქვარაიას საზოგადოების სიცრუეეში შეყვანაში დასდო ბრალი. ჯგუშიას ბრალდებას ქვარაიმ  ჯურნალისტებთან  საუბრისას უპასუხა „სამწუხაროდ დღეს არიან დევალვირებული პოლიტიკოსები, რომლებიც ცდილობენ რეიკარნაციას, ისინი მუდმივად ეძებენ ობიექტებს, რომლებთან კამათში შესაძლოა შეიქმნან ხმაურიანი იმიჯი. ქვარაია ჯგუშიას ბრალდებას პროვოკაციას უწოდებს“–, აცხადებს ჯგუშია. შეხვედრის დასასრულს ვახტან ფარცვანიას მიერ გაჟღერდა ინიციატივა, რომ მთავრობის მოთხოვნითა და მითითებით  საქართველოს ყველა რაიონში შეიქმნას ამ საკითხზე მომუშავე სპეციალური ჯგუფები, რომლებიც მოსახლეობის  სრულ ინფორმირებულობას მოახდენენ.