იძულებით გადაადგილებული პირები სამედიცინო შეღავათებით ისარგებლებენ. დევბნილებისთვის გათვალსიწინებულ შეღავათებთან დაკავშირებით იძულებით გადაადგილებულ პირთა, განსახლებისა და ლტოლვილთა სამინისტრომ პოლიკლინიკასთან თანამშრომლობის მემორანდუმი გააფორმა. „დევნილთა პოლიკლინიკის“ დირექტორი თამაზ ჯანაშია რადიო „ათინათთან“ საუბარში აცხადებს, რომ შეთანხმების მიხედვით პოლიკლინიკა ვალდებულებას იღებს ყველა ის საჭირო პროცედურა, რომელიც მოქმედი დაზღვევების პაკეტში არ შედის დევნილ პაციენტებს 20% და 50%-იანი შეღავათით ჩაუტარდეთ. მემორანდუმს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს მხრიდან მინისტრის პირველმა მოადგილემ - გოგი ფაცაციამ და დევნილთა პოლიკლინიკის დირექტორმა თამაზ ჯანაშიამ 2 კვირის წინ მოაწერეს. თამაზ ჯანაშიას განცხადებით მემორანდული ძალაში ორშაბათს შევა და 1 წლის განმავლობაში იმოქმედებს.