საპარლამენტო უმცირესობის წარმომადგენელმა მარიამ საჯაიამ წალენჯიხის მუნიციპალიტეტის საკრებულოს თავმჯდომარე დავით ბელქანია "ნაციონალური მოძრაობისთვის" - მუშაობაში ხელის შეშლის მცდელობაში დაადანაშაულა. დეპუტატის განცხადებით, დავით ბელქანიას პარტიის რაიონული ოფისისთვის ფართის ჩამორთმევა სურს. საჯაიას თქმით, "ნაციონალურ მოძრაობას" ქირავნობის ხელშეკრულება წალენჯიხის გამგეობასთან აქვს დადებული. ბელქანიას კი, ხელშეკრულების შეწყვეტის საკითხის დაყენება საკრებულოს უახლოეს სხდომაზე სურს. საპარლამენტო უმრავლესობას წალენჯიხის მუნიციპალიტეტის საკრებულოს თავმჯდომარე დავით ბელქანია რადიო „ათინათის“ მეშვეობით პასუხობს. ბელქანიას განცხადებით „ნაციონალურ მოძრაობას“ ფართი ადმინისტრაციულ შენობაში ჰქონდა დაქირავებული, სადაც სოფლის მეურნეობის რამდენიმე სამსახურია განთავსებული, აქედან გამომდინარე საკრებულო ვალდებულად თვლის შენობის მომიჯნავე ტერიტორიაზე განთვასდეს სოფლის მეურნეობის სხვა სამსახურებიც. როგორც ბელქანიამ რადიო „ათინათს“ განუცხადა, ამის შესახებ განკარგულება საკრებულოს სხდომაზე იქნა მიღებული და ზემო აღნიშნული ფართი სოფლის მეურნეობის სამინისტროს გადაეცა. მიღებული კანონი 10 დღეში ამოქმედდება და „ნაციონალურმა მოძრაობამ“ ამ ხნის განმალობაში ფართი უნდა დაცალოს. საკრებულოს თავმჯდომარე განმარტავს, რომ „ნაციონალურ მოძრაობას“ შეუძლია საკრებულოს ოფიციალური წერილით მიმართოს და მუნიციპალიტეტის კუთვნილებაში არსებული ფართიდან რომელიმე მათთვის იქნას გამოყოფილი. ბელქანია ასევე დასძენს, რომ “მათთვის მნიშვლენობა არა აქვს, რომელი პარტია დაიქირავებს ამა თუ იმ ფართს, მთავარია მუნიციპალიტეტის ქონებამ ბიუჯეტში დამატებითი შემოსავალი შემოიტანოს“.