წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2013 წლის პირველ კვარტალში 225 მილიონი აშშ დოლარი შეადგინა. რაც გასული წლის, ამავე პერიოდთან შედარებით 43 მილიონი ლარით ნაკლებია. ამის შესახებ ინფორმაციას საქართველოს სტატისტიკის ეროვნული სამსახური ავრცელებს. 2013 წლის პირველ კვარტალში საქართველოში განხორციელებული პირდაპირი უცხოური ინვესტიციების მიხედვით უმსხვილესი ინვესტორი ქვეყანა, 46,3 მილიონი აშშ დოლარით, იაპონიაა. დანარჩენი უმსხვილესი ინვესტორი ქვეყნების მონაცემები ასე გადანაწილდა:  აზერბაიჯანი - 38,4 მილიონი აშშ დოლარი, ნიდერლანდები - 34, 9 მილიონი აშშ დოლარი, გაერთიანებული სამეფო -  18, 3 მილიონი აშშ დოლარი, ჩინეთი - 12, 5 მილიონი აშშ დოლარი, ჩეხეთი - 10, 2 მილიონი აშშ დოლარი, მავრიკი - 9,9 მილიონი აშშ დოლარი.  ეკონომიკის სექტორის მიხედვით ყველაზე დიდი ინვესტიცია, 65, 2 მილიონი აშშ დოლარი, საფინანსო სექტორში ჩაიდო. ენერგეტიკის სფეროში - 41, 8 მილიონი აშშ დოლარი, სამთომოპოვებითი მრეწველობაში 12, 9 მილიონი შშ დოლარი, ტრანსპორტში და კავშირგაბმულობაში 11,9 მილიონი შშ დოლარი. ცნობისთვის, 2012 წელს პირადაპირი უცხოური ინვესტიციის სახით საქართველოში სულ 864 მილიონი აშშ დოლარი ჩაიდო.