მარტვილის მუნიციპალიტეტის სოფელი თამაკონი გარესამყაროს მოწყდა. ძლიერმა წვიმამ და ღვარცოფმა მდინარე ტეხურაზე 70-მეტრიანი ხიდი წაიღო. გზის გარეშე დარჩა 17 ოჯახი, მათ შორის არიან მცირეწლოვანი ბავშვები და მოხუცები. ადგილობრივები ამბობენ, რომ ასეთი სტიქია მუნიციპალიტეტში არ ახსოვთ. "ძალიან ბევრ სოფელს მიადგა ზარალი.ინფრასტრუქტურის თვალსაზრისითაც ზალიან დიდია ზარალი. ხიდი, რომელიც სოფელ თამაკონში ადიდებულმა მდინარემ წაიღო, ძალიან ძნელი აღსადგენი იქნება. წინასწარი მონაცემებით, ზარალი 1 მილიონ ლარს გადააჭარბებს", - უთხრა მამუკა დაბნელიამ სტიქიამ სოფელი ნობულევიც დააზარალა. დაიტბორა საცხოვრებელი სახლები და სახნავ-სათესი სავარგულები. ზარალის დამთვლელი სპეციალური კომისია უკვე შექმნილია.