ზუგდიდის საკრებულოსთან არსებულმა მრჩეველთა საბჭომ დღეს მორიგი შეხვედრა გამართა. საბჭომ დღეს სულ ორი საკითხი, სკოლამდელი სააღმზრდელო დაწესებულებების და საჯარო სკოლების ინფრასტრუქტურული პრობლემები განიხილა. შეხვედრაზე, როგორც საბჭოს წევრმა ელზა კვარაცხელიამ განაცხადა, მუნიციპალიტეტის ტერიტორიაზე არსებულ თითქმის არც ერთ საჯარო სკოლას სპორტდარბაზი არ გააჩნია. მისივე განმარტებით, სკოლებს ასევე არ გააჩნია მედპუნქტები და ფსიქოლოგიური კაბინეტები. „სკოლები ამ პრობლემების მოგვარებას ვერ ახერხებენ, რადგან დაფინანსება ძალიან მწირია,“- აცხადებს ელზა კვარაცხელია, რომელმაც საბჭოს წევრებს საჯარო სკოლებში არსებული პრობლემები გააცნო. სკოლამდელი სააღმზრდელო დაწესებულებათა ცენტრის ხელმძღვანელის მარინა კვიკვინიას თქმით, საბავშვო ბაღების უმრავლესობას საგანმანათლებლო და ინფრასტრუქტურული პრობლემები აქვს. მისივე განმარტებით, რამდენიმე საბავშვო ბაღში დაწყებულია სარემონტო სამუშაოები, თუმცა ეს ბაღების ინფრასტრუქტურული პრობლემის საერთო სურათს ვერ ცვლის. კვიკვინიამ მრჩეველთა საჭოს დახმარება სთხოვა, რათა  უახლოეს საკრებულოს სხდომაზე  საბავშვო ბაღების დაფინანსების გაზრდის საკითხი გაიტანონ. „ამჟამად ბაღებში არის ორჯერადი კვება და გვინა გავხადოთ სამჯერადი, რადგან ბავშვები თითქმის მშიერები არიან. ასაევე, ვითხოვთ განმოხურის, ურთის, ბაღმარანის და ხურჩის საბავშვო ბაღებში კვების საკითხი მოგვარდეს, რადგან ამ სოფლის ბაღებში კვება დღემდე არ არის“, – განაცხადა მარიანა კვიკვინიამ. საბჭოს წევრის და ზუგდიდის მუნიციპალიტეტის საზოგადოებრივი ჯანდაცვის ცენტრის ნანა ოდიშარიას თქმით საბავშვო ბაღებში სანიტარულ–ჰიგიენური და ინფრასტრუქტურული მდგომარების თვალსაზრისით „კატასტროფული მდგომარეობაა“. მისვე თქმით, საბავშვო ბარებში არსებული პრობლემები ეტაპობრივად და კომპლექსურად უნდა მოგვარდეს. მრჩეველთა საბჭოს ერთერთმა წევრმა და ზუგდიდის საკრებულო  სოციალურ საკითხთა განყოფილების უფროსმა ლევან მაქაცარამ, სკოლამდელი სააღმზრდელო დაწესებულებათა ცენტრის ხელმძღვანელს მარინა კვიკვინიას დაპირდა, რომ მისი მოთხონების ხარჯთაღრიცხვის წარდგენის შემდეგ, საკრებულო განიხილავს ბარების დაფინანსების გაზრდის საკითხს.