უხვმა ნალექმა ზუგდიდის მუნიციპალიტეტის რამდენიმე სოფელს ზარალი მიაყენა. როგორც რადიო „ათინათთან“ საუბარში ზუგდიდის მუნიციპალიტეტის გამგეობის საზოგადოებასთან ურთიერთობის სამსახურურის უფროსმა მაია ღურწკაიამ განაცხადა. ამ დროისთვის განსაკუთრებულად მძიმე მდგომარეობაა, სოფელ ორულუსა და ანაკლიაში. ღურწკაიას ინფორმაციით სოფელ ორულუში, რამდენიმე საცხოვრებელი სახლის პირველი სართული დატბორილია. ასევე მძიმე ვითარებაა ანაკლიაში, სადაც ძლიერი წვიმის შედეგად 10 ოჯახის საკარმიდამო ეზოები დატბორილია და დამხვრჩვალია შიანური ფრინველები. ასევე ღურწკაიას თქმით ანაკლიაში თორნიკე ბუბუტეიშვილის ოჯახი უკვე მესამე წელია ძლიერი წვიმისგან ზარალდება, ვინაიდან მისი საცხოვრებელი სახლის უკან სასტუმრო „ოქროს საწმისის“ აშენებამ სანიაღვრე არხის მოშლა გამოიწვია. რაც შეეხება ქალაქის ტერიტორიას ღურწკაია დასძენს, რომ ბერიას ქუჩაზე მაცხოვრებელი ოჯახების პირველი სართული მთლიანად დატბორილია. ღურწკაიას განცხადებით ზუგდიდის მუნიციპალიტეტის გამგებლის მოვალეობის შემსრულებელი ედიშერ თოლორაია და გამგეობის აპარატის თანამშრომლები დილიდან ადგილზე ვითარების გასაცნობად არიან გასულები, ხოლო ზარალის ოდენობა დღის ბოლოსკენ გახდება ცნობილი. „ მუნიციპალიტეტის გამგეობა დაზარალებულებს დახმარება, ავზის და სანიაღვრე არხის გაყვანას დაპირდა“.განაცხადა მაია ღურწკაიამ. ზუგდიდის მეტეოროლოგიური ცენტრის ხელმძღვანელის გელა ხასიას განმარტებით უხვი ნალექი დღის პირველნახევრამდე იქნება შენარჩუნებული.მისივე თქმით ნალექის ინტენსივობა დღის მეორენახევარში იკლებს , ხოლო გამოდარებას მეტეოროლოგიურ სამსახურში ხვალიდან ვარაუდობენ.