საარჩევნო კოდექსში შემავალი ცვლილებები დემოკრატიული ჩართულობის ცენტრში, არასამთავრობო ორგანიზაციებმა განიხილეს. „საქართველოს ახალგარდა იურისტთა ასოციაციამ“ (GYLA),   „სამართლიანი არჩევნებისა და დემოკრატიის საერთაშორისო საზოგადოებამ“ ( ISFED) და „საეთაშორისო გამჭვირვალობა-საქართველომ“ (TI) მოქმედ საარჩევნო კოდექსში არსებულ პრობლემებზე იმსჯელეს და რეკომენდაციები წარმოადგინეს. შეხვედრა საარჩევნო სფეროში შემუშავებული ცვლილებების საზოგადოებისთვის გაცნობას ისახავდა მიზნად. მსგავსი შეხვედრები უკვე რამდენიმე კვირაა საქართველოს სხვასახდვა რეგიონში ტარდება. რეკომენდაციები უმთავრესად საარჩევნოდ მოქმედ ორ ძირითად კანონს: საარჩევნო კოდექსს და მოქალაქეთა პოლიტიკური გაერთიანებების შესახებ კანონს ეხება. არასამთავრობო ორგანიზაციების მიერ ცვლილებები შეთავაზებულ იქნა ამომრჩეველთა სიებთან დაკავშირებით. აღნიშნული ცვლილება  სიებში ბიომეტრიული სურათების შემოღებას გულისხმობს, რაც სიის გამართულობას და მასში გაორებების არ არსებულობას უზრუნველყოფს. რეკომენდაციები ასევე ეხება ადმინისტრაციული რესურსების სწორად გამოყენებას.ასევე შემუშავებილი ცვლილება იურიდიულ პირს საშუალებას აძლევს სურვილის შემთხვევაში დააფინანსოს პოლიტიკური პარტია, თუმცა გარკვეული შეზღუდვების გათვალისწინებით. შეხვედრაზე ისაუბრეს  მედია რეგულაციებზე საარჩევნო კოდექსში. „საერთაშორისო გამჭვირვალობა-საქართველოს“ იურისტმა გიგი ჩიხლაძემ აღნიშნა, რომ ორგანიზაციების მიერ მედია რეგულაციებზე შემუშავებული ცვლილებები მაქსიმალურად შეუწყობს ხელს საარჩევნო სუბიექტებისთვის თანაბარ საარჩევნო პირობებში არსებობას. ხოლო ყველა რეკომენდაცია ერთად არჩევნების სამართლიან გარემოში ჩატარებას განაპირობებს.