არასამთავრობო ორგანიზაცია „დევნილი ქალები საკუთარი უფლებებისთვის“ წარმომადგენელი ნონა უბილავა დევნილთა სამმართველოს უფროსის, ირაკლი ქოჩუას მიერ გაკეთებულ განცხდაებას გამოეხმაურა. უბილავამ ქოჩუა დევნილებისთვის ცრუ დაპირებების მიცემაში დაადანაშაულა და აღნიშნა, რომ იმ კორპუსების მშენებლობა, რომელიც ზუგდიდში მიმდინარეობს ნამდვილად არ იქნება საკმარისი ყველა დევნილისათვის, რომელთაც ქოჩუა აქ დასახლებას პირდება. აქვე უბილავა დასძენს, რომ ირაკლი ქოჩუამ პრესკონფერენციაზე დევნილთა გარკვეული ნაწილისთვის შემწეობის მოხსნის შესახებ მედიაში გავრეცელებულ განცხდებას, სიცრუე უწოდა, თუმცა იმავე დღეს მედიაში ფინანსთა მინისტრის ნოდარ ხადურის მიერ ამ საკითხთან დაკავშირებით გაკეთებული კომენტარი გავრცელდა: „ალბათ სწორი იქნება, რომ დევნილთა შემწეობა მიიღონ იმ პირებმა, რომლებსაც ამის საჭიროება აქვთ. თუ ადამიანს დიდი შემოსავალი გააჩნია, 28-ლარიანი შემწეობის მიღების ნაცვლად, ჯობია სხვამ მიიღოს 56 ლარი”-, –განუცხადა ნოდარ ხადურმა ჟურნალისტებს აღნიშნულ საკითხზე კომეტირებისას. ნონა უბილავას ინფორმაციით დევნლითათვის შემწეობის მოხსნის შესახებ კანონპროექტი სხვადასხვა სამინისტროებშია გადაგზავნილი. „მოალოდნელია რომ ყველა სამინისტრომ მწვანე შუქი აუნთოს ამ ინიციატივას, რომელიც შემდეგ პარლამენტში დამტკიცდება“,- აღნიშვანს უბილავა. იგი ასევე მიიჩნევს, რომ უნდა იმუშაოს მუდმივმოქმედმა კომისიამ, რომელიც განსაზღვრავს რომელ დევნილს აქვს მაღალი შემოსავალი, კომისიის მუშაობა კი უნდა ანაზღაურდეს: „რომელი იქნება უფრო ძვირადღირებული კომისიის მუშაობის ანაზღაურება თუ დენილებისთვის 28 ლარიანი შემწეობის გადახდა ეს არის საკითხავი“,-აცხდადებს ნონა უბილავა. უბილავას განცხადებებისთვის დღეს ირაკლი ქოჩუას არ უპასუხნია, მან სატელეფონო საუბარში აღნიშნა, რომ ამ საკითხთან დაკავშირებით ერთხელ უკვე ისაუბრა.