როგორც ინჟინერ-მშენებელი ირაკლი ხმალაძე რადიო „ათინათთან“ საუბარში განმარტავს, ამ დროისთვის მოცემულ ტერიტორიაზე სამშენებლო სამუშაოების სამზადისი დაწყებულია. ხმალაძის თქმით ამ ეტაპზე სამშენებლო სამუშაოებში გამოცდილი მუშა ხელია დასაქმებული, თუმცა მომავალში დასაქმების კუთხით პრიორიტეტი დევნილებს მიენიჭებათ.[gallery columns="4"]               როგორც ხმალაძემ განგვიმარტა ზემოაღნიშნულ საკითხთან დაკავშირებით სამშენებლო კომპანიამ რეკომენდაციები განსახლებისა და დევნილთა სამინისტროს აჭარასა და სამეგრელო–ზემო სვანეთის ტერიტორიული ორგანოს ხელმძღვანელ ირაკლი ქოჩუასგან მიიღო. „კორპუსებში მაქსიმალური ფართი 64 კვადრატული მეტრი იქნება, რომელიც დაახლოებით სამოთახიანი ბინის ტოლფასია, ხოლო მინიმალური 52 კვადრატული მეტრი“.- აღნიშნა ხმალაძემ. თავის მხრივ დევნილთა სამმართველოს ხელმძღვანელი ირაკლი ქოჩუა აცხადებს რომ „დევნილთა შერჩევა სამინისტროს მიერ შერჩეული კრიტერიუმების მიხედვით მოხდება, განცხადებების მიღება კი 2–3 თვეში დაიწყება. კორპუსებში სულ 256 ოჯახი შესახლდება,“– განმარტავს ირაკლი ქოჩუა. ასევე ქოჩუა დასძენს, რომ ბინები იმ დევნილებს გადაეცემათ, რომლებიც უკვე დადგენილი კრიტერიუმების მიხედვით ყველაზე მაღალ ქულას დააგროვებენ. დევნილთა სამინისტროს ინფორმაციით, კორპუსებში სულ 24 ერთოთახიანი, 112 ოროთახიანი და 120 სამოთახიანი ბინა განთავსდება. ხოლო სამშენებლო სამუშაოებს კომპანია „დაგი“ ახორციელებს.