სენაკის მუნიციპალიტეტის საკრებულოს შენობასთან ამ წუთებში საპროტესტო აქცია მიმდინარეობს. მომიტინგეები საკრებულო სხდომის გამართვას აპროტესტებენ, სადაც, სავარაუდოდ, სენაკის გამგებლის მოვალეობის შემსრულებლის დანიშვნა იგეგმება. არასამთავრობო ორგანიზაცია „ქალთა კავშირი, ქალები მშვიდობისა და სამართლიანობისთვის“ ხელმძღვანელი ინგა ქარდავა აცხადებს, რომ საკრებულოს სხდომაზე, რომელიც ღიაა, ხალხს არ უშვებენ. მისივე ინფორმაიით, საკრებულოსთან მდგომარეობა დაძაბულია და  მობილიზებულია პოლიცია. „მდგომარეობა დაძაბულია, დაახლოებით 1000-მდე ადამიანი იქნება მოგროვილი. თვითონ გამგებლის კანდიდატი, გოჩა დგებუაძეც მობრძანებულია და საკრებულოს თავმჯდომარის მოადგილესთან გადის კინსულტაციებს. ჩვენ მათთან ძალიან ბევრი კითხვები გვაქვს“, - უთხრა რადიო „ათინათს“ ინგა ქარდავამ. არასამთავრობო ორაგანიზაცია "ქალთა კავშირი, ქალები მშვიდობისა და სამართლიანობისთვის“ ხელმძღვანელი ინგა ქარდავა განმარტებით, დღევანდელი  საკრებულოს სხდომა უკანონოა, რადგან აღნიშნულ საკითხზე სასამართლოში სარჩელია შეტანილი. მისივე თქმით, სასამართლოში სარჩელი მისმა ორგანიზაციამ და სენაკის საკრებულოს ფრაქცია „ქართული ოცნება-დემოკრატიული საქართველოს“ თავმჯდომარემ მამუკა ბაბილუამ შეიტანეს.