- Error
რუბრიკები
პრეზიდენტი მზად არის, საზღვარგარეთ მცხოვრებ საქართველოს მოქალაქეებს ჩამორთმეული მოქალაქეობა ისევ მიანიჭოს
პრეზიდენტის პრესსპიკერმა მანანა მანჯგალაძემ დღეს გამართულ პრესკონფერენციაზე განაცხადა, რომ სხვა ქვეყნის მოქალაქეობის მიღების გამო, ბოლო პერიოდში საქართველოს მოქალაქეობა 10 ათასზე მეტ პირს შეუწყდა.
მისივე განმარტებით, პრეზიდენტი მიხეილ სააკაშვილი მზადყოფნას გამოთქვამს საზღვარგარეთ მცხოვრებ საქართველოს მოქალაქეებს ჩამორთმეული მოქალაქეობა ისევ მიანიჭოს. მანჯგალაძემ მედიას დღეს საზღვარგარეთ მცხოვრები თანამემამულეებისთვის მოქალაქეობის მინიჭების თაობაზე საქართველოს პრეზიდენტის გადაწყვეტილებაც გააცნო.
"საქართველოს მოქალაქეობის შესახებ" ორგანული კანონის შესაბამისად, საქართველოს პრეზიდენტი გამოსცემს ბრძანებულებას საქართველოს მოქალაქეობის შეწყვეტის შესახებ იუსტიციის სამინისტროს მიერ წარმოდგენილი დასკვნის საფუძველზე. საქართველოს პრეზიდენტის ადმინისტრაციაში საქართველოს იუსტიციის სამინისტროს სახელმწიფო სერვისების განვითარების სააგენტოდან გადმოგზავნილი დასკვნების საფუძველზე, ბოლო პერიოდის განმავლობაში საქართველოს 10 ათასზე მეტ მოქალაქეს შეუწყდა საქართველოს მოქალაქეობა სხვა ქვეყნის მოქალაქეობის მიღებასთან დაკავშირებით. აღნიშნული პირები წარმოადგენენ, როგორც ეთნიკურ ქართველებს, ისე საქართველოს ეთნიკიურ უმცირესობას. საქართველოს კანონმდებლობით, მოქალაქეობის შეწყვეტის შემდეგ, მათ შეუძლიათ საქართველოს მოქალაქეობის მინიჭების შესახებ განცხადებით მიმართონ საქართველოს პრეზიდენტს. ეს განცხადება მათ უნდა წარადგინონ იუსტიციის სამინისტროს შესაბამის ორგანოში (იუსტიციის სახლში, სახელმწიფო სერვისების განვითარების სააგენტოს შესაბამის ერთეულში), საზღვარგარეთ საქართველოს დიპლომატიურ წარმომადგენლობაში ან საკონსულო დაწესებულებაში. განცხადებების წარდგენა შესაძლებელია ელექტრონული ფორმითაც. ჩვენი მიზანია, რომ ისინი დამატებითი სირთულეების წინაშე არ აღმოჩნდნენ საქართველოს მოქალაქეობის იძულებით დატოვების გამო. ამიტომ, საქართველოს პრეზიდენტი გამოთქვამს მზადყოფნას, ზემოაღნიშნულ პირებს ყოველგვარი დაბრკოლების გარეშე მიანიჭოს მოქალაქეობა", - განაცხადა მანანა მანჯგალაძემ.
დაფინანსებული
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
სტატია
ინტერვიუ
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები