დღეს „ერთიანი ნაციონალური მოძრაობის“ ზუგდიდის ორგანიზაციის ხელმძღვანელობით თენგიზ გუნავას გათავისუფლების მოთხოვნით ხელმოწერების შეგროვება დაიწყო. ფრაქციის ადგილობრივმა  წარმომადგენლებმა მოთხოვნას ხელი თენგიზ გუნავას სახლში, მის ოჯახის წევრებთან ერთად მოაწერეს. ნაციონალური მოძრაობის ზუგდიდის ორგანიზაციის ხელმძღვანელმა ლაშა  დამენიამ მედიასთან განაცხადა, რომ ელექტრონული ვერსის ხემოწერების შეგროვება უკვე დაწყებულია და მათი რაოდენობა ამ დროისთვის  10 000-ს  გასცდა. მისივე განცხადებით აღნიშნული ხელმოწერები დიპლომატიურ კორპუსს წარედგინება. რომელსაც პარტიის წევრები  გუნავას გათავისუფლების საქმეში შუამდგომლობის გაწვისთვის მიმართავენ. „გუნავა არის ადამინი, რომელიც რუსეთის ჯარს პირისპირ დაუდგა და  საქართველოს მკერდით გადაეფარა, ამის გამო ისჯება დღეს გუნავა. დღევანდელი მთავრობა კი პუტინის დავალებას ასრულებს,-„აღნიშნა ლაშა დამენიამ. „თენგიზ გუნავა არის მაინც დავიჭერის პრინციპით დაჭერილი პოლიტ პატიმარი“ განაცხადა, ზუგდიდის მუნიციპალიტეტის საკრებულოს თავმჯდომარე ლევან კონჯარიამ და დასძინა, რომ გუნავა უსამართლოდ არის დაჭერილი, ამიტომ მას მთელი საზოგადოება უნდა დაუდგეს გვერდში. დაკავებული თენგიზ გუნავას დედა კი მედიასთან საუბარში აღნიშნავს, რომ მისი შვილი უდანაშაულოა და იმედს გამოთქვამს, რომ მალე გაათავისუფლებენ. შეგახსენებთ, რომ  სამეგრელო-ზემო სვანეთის ყოფილი გუბერნატორი ამა წლის 13 ივლისს სასამართლო პროცსზე იქნა დაკავებული. მას 4 წლიანი პატიმრობა შეეფარდა. თენგიზ გუნავა დამნაშავედ ცნეს ბრალდების სამი ეპიზოდიდან ორში – ბენზინის ტალონებისა და სახელმწიფო ქონების მითვისებაში.