სურსათის უვნებლობის,ვეტერინარიისა და მცენარეთა დაცვის ეროვნულმა სამსახურმა დასავლეთ საქართველოში გავრცელებული საკარანტინო მავნებლის-ამერიკული თეთრი პეპლის წინააღმდეგ ბრძოლის ღონისძიებები დაიწყო.ამჟამად პეპლის პირველი თაობის წინააღმდეგ სამუშაოები გავრცელების ინტენსივობის მიხედვით,ლოკალურად სხვადასხვა რაიონებში ხორციელდება.ზუგდიდის მუნიციპალიტეტის ყველა სოფელში პრეპარატი უკვე დარიგდა. პრეპარატის მოხმარების წესის შესახებ ყველა სოფლის რწმუნებული დაუწყებულია. ზუგდიდის მუნიციპალიტეტში თერმული ნისლის ტექნოლოგიით 4 მანაქანა მუშაობს.სამეგრელო ზემო-სვანეთის სურსათის უვნებლობის სამსახურში ვარაუდობენ,რომ მორწყვითი სამუშაოები თვისბოლომდე დასრულდება. „100ლიტრ წყალში გაზავებული 6-10 გრამი პრეპარატი აუცილებლად აბლაბუდას უნდა შეასხურონ,არ შეიძლება მთლიანად ხის მორწყვა. შესხურება ერთხელ ხდება,მაგრამ საჭიროების შემთხვევაში მეათე დღეს შეიძლება გამეორდეს.სამუშაოების დასრულება პეპლის ბიოლოგიაზეა დამოკიდებული,წინსაწარ პროგნოზს ვერავინ დადებს,ამიტომ შეიძლება ვივარაუდოთ,რომ სამუშაოები თეორიულად თვის ბოლომდე გაიწელება.“განაცხადა სურსათის უვნებლობის,ვეტერინარიისა და მცენარეთა დაცვის ეროვნული სამსახურის,სამეგრელო-ზემო სვანეთის რეგიონული სამმართველოს უფროსმა მარიკა  გულუამ რადიო „ათინათთან“ საუბრისას.