აჭარისა და სამეგრელო-ზემო სვანეთის ლტოლვილთა სამმართველოს ხელმძღვანელმა ირაკლი ქოჩუამ სპეციალური განცხადება გააკეთა  და აღნიშნა, რომ მოქალაქე რამაზ არონია დევნილებთან ლტოლვილთა სამმათველოს სახელით მიდის და მათ სხვადასხვა ცრუ დაპირებებს აძლევს. „შემოვიდა ინფორმაცია, რომ აღნიშნული პიროვნება დევნილებს ჩვენი სამინისტროს სახელით ფინანსურ,  თუ სხვა სახის დახმარებას პიდება, და ეცნობა, როგორც ჩვენი თანამშრომელი“-აცხადებს ირაკლი ქოჩუა და დასძენს, რომ  რამაზ არონიას არავითარი შეხება ლტოლვილთა სამმართველოსთან არ აქვს. „მე მინდა ოფიციალური განცხდება გავაკეთო, რომ ყველა დევნილმა თქვენი საშუალებით გაიგოს, რომ არასდროს ამ კაცს არანაირი შეხება არ ჰქონია ჩვენს სამმართველოსთან და არც აქვს-,“აღნიშნავს ირაკლი ქოჩუა. თავის მხრივ რამაზ არონიამ რადიო "ათინათთან" საუბარში უარჰყო ,მის მიერ დევნილებუისთვის რაიმე სახის დაპირების მიცემის ფაქტი და აღნიშნა, რომ ის დევნილებთან მხოლოდ ირაკლი ქოჩუას საწინააღმდეგო ხელმოწერების ასაგროვებლად დადის, მან ასევ დასძინა, რომ სამეგრელო-ზემო სვანეთის ლტოლვილთა სამმართველოს ხელმძღვანელის წინაარმდეგ 2000-მდე დევნილის ხელმოწერა უკვე აქვს.